Non hai certames escolares máis míticos na comarca que os que lanza a Biblioteca Pública Municipal “Francisco Mayán” do Concello de Cee. Así refrendan as cifras: son máis de 8330 os traballos presentados polo alumnado de toda a comarca nas 34 edicións do concurso de “Achegamento ao Libro” e nas 21 do certame “En busca do noso marcapáxinas”.

Un certame formulado para o alumnado de Primaria dos centros de toda a volta, cuio prazo de presentación xa está aberto e rematará o día 11 de abril (incluído).

Como inscribirse

Para os mestres que se impliquen neste desafío: os traballos presentaranse no Rexistro Xeral do Concello de Cee (de 9.30-13.30 hora)ou por correo ordinario, de forma individual ou por aula. Será nun sobre pechado, figurando no seu exterior a mención "XXXIV Concurso Achegamento ó Libro" ou "XXI Concurso na Procura do Noso Marcapáxinas" co título da obra, pseudónimo e curso do participante. No seu interior achegarase un sobre pequeno (tamén pechado) onde figuren os datos do autor (nome e apelidos, idade, título da obra, colexio, curso, enderezo e teléfono de contacto) e o Anexo I cuberto.

Histórico do Certame

• 2023: A Biblioteca de Cee entregou os seus marabillosos Premios de Achegamento á Cultura.
• 2023: 30 anos do Concurso de Achegamento ó Libro da Biblioteca de Cee.
• Decembro 22: O marca-páxinas da Biblioteca de Cee espállase polos centros de ensino.
• Maio 22: A Biblioteca Francisco Mayán entregou os premios escolares de achegamento á cultura.
• Novembro 21: O Marcapáxinas de Azara xa percorre Cee.
• Maio 21: A Biblioteca de Cee falla os gañadores dos 30 anos de certames literarios.
• Decembro 2019: A Biblioteca de Cee xa ten o seu Marca-páxinas na rúa.
• 2019: A Biblioteca de Cee xa ten os seus escolares gañadores dos concursos de Achegamento ao Libro e Marcapáxinas.
• Maio 18: A Biblioteca de Cee xa ten gañadores dos seus Certames Literarios.
• Maio 2017: Os certames escolares culturais da Biblioteca Francisco Mayán alcanzan os 7.000 traballos presentados.
• Maio 2016: Máis de 400 rapaces achéganse á cultura cos certames da Biblioteca de Cee.