Continúa o conflito laboral de XEAL lonxe de solucionarse, ou mesmo de achegar posturas. Comité de Empresa e Dirección continúan alonxando os seus posicionamentos no no proceso de negociación do convenio colectivo. Unha negociación rota dende o pasado decembro, e que segue sen desbloquearse.

Así o denuncia hoxe o Comité, que lamenta a ”negativa da empresa a someterse ao proceso de arbitraxe solicitado pola representación do persoal no Consello Galego de Relacións Laborais, para chegar a un acordo que respecte os dereitos laborais, salariais e sociais polos que tanto pelexaron os traballadores e as traballadoras”.

Dende o Comité aseguran que “a empresa négase a calquera solución que implique unha negociación real e insiste en impor un convenio que rebaixa dereitos e de perda de poder adquisitivo”. Acusan ademais á dirección de “habitual desprezo e prepotencia”, ameazando a comezar a aplicar o convenio privincial do siderometal (de menor calidade que o que tiña a empresa) dende o mes de xuño.

Todo isto é para os traballadores “outra evidencia máis de que o único interese de TPG-Ithaka é recoller os millonarios beneficios xerados pola produción de enerxía, que practicamente obtén a custe cero, mentres desmantela as fábricas de Cee e Dumbría”.

O Comité pide a intervención urxente a unha Xunta de Galicia que en febreiro xa avisou de que non vai moderar no conflito, para que obrigue á empresa a cumplir coas cláusulas esencias das concesións hidroeléctrica e industrial, como son a garantía do emprego, da actividade produtiva e os dereitos laborais.

Todas as novas relacionadas con XEAL

• Maio 22: O Comité de XEAL solicita que o aumento de caudal de produción hidroeléctrica se vincule coa xeración de emprego.
• Abril 22: XEAL pon en marcha a construción dunha nova central no río Xallas.
• Abril 22: TPG volve poñer en venda as centrais hidroeléctricas do Xallas.
• Febreiro 22: O comité de XEAL reclama ante a Xunta a reversión dos dereitos de explotación das centrais hidroeléctricas.
• 2022: Piden a demolición das centrais hidróeléctricas que teñen as concesións caducadas.
• 17-02-22: Os traballadores de XEAL volveron a concentrarse diante do Concello de Cee.
• 11-02-2022: A Xunta non mediará no conflito XEAL.
• Decembro 21: XEAL rompe as negociacións e deixa sen convenio colectivo aos seus traballadores.