Tralas alegacións presentadas por ADEGA no marco do proceso de exposición pública do proxecto das centrais de bombeo da Ruña, hoxe coñecemos que o Concello de Corcubión é o primeiro concello que tamén presenta alegacións ante Augas de Galiza.

O Concello corcubionés considera que os proxectos de construción de centrais de bombeo de A Ruña por parte das empresas Feroe Ventures & Investments, SLU e Portodemouros Solar, provocarán un “impacto negativo sobre o medio ambiente” e cren que se incorrería no “incumprimento da lexislación vixente”, tendo en conta ademais que se trata dunha concesión por 75 anos.

Fan referencia á “desconfianza sobre o impacto que causaría na auga que consumen varios concellos, entre eles o de Corcubión, e cre que xera incertidume entre a veciñanza”.

Entre as alegacións, o Concello subliña que os proxectos incumpren o Plan Nacional Integrado de Enerxía e Clima (PNIEC) ao non cumprir coas súas directrices, xa que as actuacións non deberían realizarse en espazos protexidos como a Rede Natura 2000, e tampouco se axustan á protección dos ecosistemas acuáticos e aqueles dependentes da auga. Tamén alega que as masas de auga no Encoro de Santa Uxía non cumpre cos obxectivos medioambientais establecidos, xa que presenta parámetros de fósforo e transparencia que non alcanzan o estado desexado.

Asi mesmo presentaron alegacións diversas asociacións da comarca, como Boca de Sapo e Vendaval.

NOVAS RELACIONADAS

• Setembro 24: ADEGA presenta alegacións o impacto ambiental do proxecto da estación de bombeo da Ruña.
• Setembro 24: A Plataforma Vendabal alertan sobre as consecuencias da estación de bombeo da Ruña.
• Agosto 24: Primeiras respostas ao sometimento á exposición pública da estación de bombeo da Ruña
• Xa na rede o documental sobre a riqueza natural da Ruña.
• O debate sobre extractivismo de Corcubión reflexionou sobre o impacto no turismo e no agro
• Fins Eirexas sobre a estación de bombeo da Ruña: “Hai moitas posibilidades de que este proxecto naza xa morto”.
• 12-09-22: Mazaricos infórmase sobre o impacto da estación de bombeo na Ruña.
• 04-09-22: A veciñanza mazaricá berra baixo a tormenta “A Ruña é nosa”.
• Agosto 22: Máis apoios para que a “Plataforma Salvemos A Ruña” poida parar o proxecto da estación de bombeo.
• Agosto 22: A Plataforma "Salvemos A Ruña" nace con apoios.
• Agosto 22: O PSOE pregunta no Parlamento pola estación de bombeo da Ruña.
• Agosto 22: Unha estación de bombeo ameaza a riqueza natural do monte da Ruña, o cumio máis alto da Costa da Morte.
• Marzo 22: XEAL pretende construír unha estación de bombeo no monte da Ruña.