Van máis 2 anos dende que o goberno central comezou a recortar os servizos do Instituto Social da Mariña de Corcubión. A perda da praza de médico, que impedía realizar as necesarias revisións sanitarias a máis de 1.400 mariñeir@s da comarca, provocaba unha marea de mobilizacións.

Unhas mobilizacións protagonizadas pola propia xente do mar, e azuzadas pola CIG, que conseguiron que se cubra a praza mantendo así o servizo de recoñecemento médico. Pero “este préstase en condicións de precariedade”, segundo denuncia hoxe a CIG, por mor da falta de persoal de enfermaría.

Para o sindicato, a falta de cubrir a praza de enfermaría é un novo exemplo do “deterioro, a centralización e do desmantelamento” no ISM, e denuncia que o Ministerio de Seguridade Social “pretende externalizar este servizo cunha mutua mentres non consiga un enfermeiro ou enfermeira”.

"Resulta sorprendente que a administración non dea atopado profesionais para cubrir o servizo, cando as mutuas da comarca si conseguen contratar persoal de enfermería", sinala o secretario da FGAMT-CIG da Coruña, Manuel Camiño.

Formación

Ademais, lembran que nos últimos dous anos, o ISM trasladou o servizo administrativo de Corcubión, deixou de realizar os cursos de formación sanitaria de maneira presencial. Obriga así a ese 1,4 milleiro de traballadores do mar de Cee, Corcubión, Fisterra, Muxía, Camariñas, Laxe, Ponteceso, Carnota e Malpica a desprazarse á Casa do Mar.

NOVAS SOBRE O ISM

• Marzo 22: Reclaman a formación gratuíta nos centros do ISM da Costa.
• Febreiro 22: Varias Confrarías únense á denuncia contra o desmantelamento silencioso do ISM.
• 28-09-21: Alertan do peche inminente do ISM de Corcubión.
• Maio 21: O Tribunal de Cuentas emite un informe demoledor sobre modelo privatizador dos ISM.
• Febreiro 21: Unanimidade no Parlamento Galego para que o Estado manteña os ISM de Corcubión e Muros.
• Outubro 2020: 150 profesionais do mar concentráronse pola recuperaión do servizo médico no ISM de Corcubión.
• 09-10-2020: O colapso dos ISM fai peligrar a validez do recoñecemento médico obrigatorio dos mariñeiros/as.
• 28-09-2020: Critican a falta de contudencia dos alcaldes/as socialistas da comarca ante o posible peche do ISM.
• 25-09-2020: A Subdelegada do Goberno recoñece que non se pode cubrir a praza de médico do ISM pero afirma que non se vai pechar.
• 24-09-2020: A directora do ISM non cobre a praza do médico, deixa aberta a porta ao peche e mesmo fala de privatizar o servizo.
• 14-09-2020: ISM e xubilación: O BNG escoita as demandas do sector do mar en Corcubión.
• 09-09-2020: “As respostas que nos dan ante a falta de servizo do ISM son un vacile”.
• 09-09-2020: Novas queixas ante a reiterada baixa do médico e o posible peche do ISM de Corcubión.
• 08-09-2020: Alertan da posible perda do servizo do ISM de Corcubión.
• Agosto 2020: Os profesionais do mar denuncian a falta de médico para realizar o recoñecemento médico obrigatorio.