Mércores. 30.11.2022
El tiempo

O TSXG paraliza cautelarmente o proxecto eólico do Campelo por “fragmentación irregular”

NOn mais eolicos nas Paxareiras
Imaxe da Plataforma Non + Eólicos nunha das súas ducias de mobilizacións
O TSXG paraliza cautelarmente o proxecto eólico do Campelo por “fragmentación irregular”

O pasado es de xaneiro, ADEGA e o FDJCC levaban o megaproxecto eólico de Campelo, Bustelo e Monte Toural aos Xulgados. O Fondo para a Defensa Xurídica da Cordilleira Cantábrica argumenta a “fragmentación irregular” dos 3 proxectos que afecta aos Concellos de Coristanco e Santa Comba.

Pois o Tribunal Superior de Xustiza de Galicia vén de paralizar cautelarmente a execución do Parque Eólico Campelo, un dos 3 proxectos promovidos pola sociedade Greenalia Wind Power Campelo, S.L., de Greenalia, empresa da que é directiva a ex concelleira do PP Beatriz Mato.

Segundo informa ADEGA, o TSXG entende ilegal “a fragmentación artificial dos proxecto” (para non superar os 50MW de potencia e evitar que pasar o filtro do Ministerio e depender unicamente da Xunta) atopou varias “irregularidades en canto ao desenvolvemento dos trámites de información pública, reducidos a quince días e nos que non se puxeron a dispor da cidadanía os informes sectoriais correspondentes”.

O TSXG fai referencia á nulidade das autorizacións relativas ao proxecto do parque eólico de Corme G-3 e abre a porta para que outros moitos megaproxectos na comarca presenten alegacións no mesmo sentido.

De feito, a entidade valora que é a primeira paralización conseguida polo Fondo para a Defensa Xurídica da Cordilleira Cantábrica, campaña de recadación colectiva promovida o ano pasado por seis entidades (ADEGA, SGO, PDCC, a Mesa Eólica de Las Merindades de Burgos, Bierzo Aire Limpio e a Plataforma para la defensa de los Valles Pasiegos) para iniciar accións xurídicas na defensa do territorio fronte a invasión eólica.

Mapa Parques eolicos bustelo campelo e monte toural

TODAS AS NOVAS SOBRE OS PROXECTOS EÓLICOS

comentarios