Axenda dunha fin de semana de percebes, callos, mar e libros
Inseridos xa no mes de xullo, a Axenda da fin de semana para a Costa da Morte é tremenda. Unha marea de actividades de todos os eidos para disfrutar a nosa comarca. Percebes e Callos maridan con verbenas, festas históricas, entroidos de verán ou probas deportivas.
Xa sabedes que tendes un Álbum das Festas da Costa da Morte 2023, ademais de todas as citas importantes colleitadas en www.axendacostadamorte.com. Pero facemos un repaso concreto á finde:
O San Cristovo e a Faghía de Carnés
Festas de excepción na pequena parroquia vimiancesa de Carnés, que consegue traer eo triunvirato das orquestras galegas ás festas de San Cristovo. Ademais, a finde complétase coa festa gastronómica áis lonxeva da Costa da Morte, a festa dos callos, a festa da Faghía de Carnés, que se celebra ao longo do domingo.
Festa do Percebe do Roncudo
Outra das citas que maridan gastronomía e troula é a Festa do Percebe de Corme. Sábado de degustación e moita música, coa actuación dos Herdeiros da Crus pola tarde.
O City of Agra
O meirande programa cultural adicado a un naufraxio en Galicia dase esta fin de semana en Camelle e Arou. As vilas camariñás acollen de venres a domingo o 126 aniversario do afundimento do City of Agra. As vilas ambiéntase na época para recibir aos náufragos daquel envite do mar nunha fin de semana chea de actividades.
Muros Mira ao mar
Na mesma liña de viaxe histórica polo noso mar chegan as xornadas de Cultura Mariñeira Muros Mira ao Mar. Un compendio de actividades arredor do mundo mariño, nun pobo que xa forma parte da festa engalándose dun xeito absolutamente implicado.
Entroido de Verán de Fisterra
Unha das festas máis divertidas do verán, o Entroido de Verán de Fisterra chega cunha marea de música, o pregón de Marta Doviro, os Broken Peach en concerto, o gran desfile e a batucada local por excelencia.
Praza dos Libros de Carballo
Empezou xa a Praza dos Libros de Carballo e ata o domingo haberá un completo programa arredor do papel.
Festas de San Cristobal de Cee
Estes 7 e 8 de xullo tocan tamén as Festas de an Cristobal de Cee. O venres con vebrena, o sábado con con concentración de motos e ruta ata o faro, e o domingo ás 12:00h a gran cita coa procesión motorizada dende a parte de atrás da Igrexa.
Festas de Soesto
A parroquia laxense celebra as súas festas, que comeza cunha gran sardiñada a partir das 21:00h, e verbena. O sábado coa vermú e verbena con Principal, e o domingo, pasarrías cos Farrapos de Cesullas e vermú.
Festas do San Cristobo de Baio
Festazas as de San Cristovo de Baio, da macrosesión vermú e a procesión motorizada do domingo 9 ao martes 11.
Ademais hoxe venres, 7 de xullo, o grupo Sen Tempo Teatro, da Escola Municipal de Teatro para Adultos do Concello de Zas, preséntanos a súa obra "Por riba de nós" dirixida por Pablo Soto, "Pibe". A cita é ás 21:30 horas no Auditorio de Baio.
Gran Fondo Ézaro
A proba deportiva é un espectáculo en si mesmo. Partirá, ao pé da fervenza do Ézaro, e rematará no Alto, percorrerá fermoso litoral costeiro cara Carnota e Muros ata a vila de Esteiro, desde onde os participantes afrontarán a subida ao Alto da Laxe. O pelotón cruzará o Concello de Mazaricos e bordeará o Monte Pindo ata cruzarse co Camiño xacobeo, e a estatua do Vákner. Dende aí, baixada de novo ao litoral para enfrontar o Muro ata o Alto do Mirador do Ézaro.
Todos os cortes de tráfico tédelos aquí.
Ademais, todo marida co programa de verán do Concello de Dumbría.
As Torres do Allo
Teñen unha boa visita este verán as Torres do Allo, coas visitas teatralizadas, escape room e exposición de Pazos.
Triple recital de Poesía
Ponteceso Cultura Permanente trae a Pedro Larrea a facer tres recitais esta fin de semana en Corme, Fisterra e Dombate.
Actividades medioambientais no Eu quero Razo-baldaio
A contorna natural carballesa acolle unha marea de actividades medioambientais con varias entidades.
