Xoves. 28.03.2024
El tiempo

Cianuro: residuou non perigoso? Fraude no DIA da Mina de Corcoesto

Cianuro: residuou non perigoso? Fraude no DIA da Mina de Corcoesto
As cifras da Mina de Corcoesto en datos segundo a SGHN

Tras estudiar a fondo a Declaración de Impacto Ambiental que a Xunta aprobou da Mina de Ouro de Corcoesto, os colectivos ecoloxistas veñen de facer unha lectura grave. I é que segundo denuncian, a DIA califica 68.798 toneladas de Arsénico e 4.368 de cianuro como residuos "non perigosos". Unha calificación que ADEGA recurrirá a DIA de Corcoesto ao consideralo "fradulenta".
Unha visión referendada polo último estudio da Sociedade Galega de Historia Natural, que califica o proxecto de Corcoesto, nada menos que como "A pirámide da codicia".

"Isto significa que ao non seren considerados perigosos as instalacións nas que se depositan (oco, entulleiras e balsas) non teñen a categoría "A" e, portanto, non precisan dun Plano de Emerxencia Exterior (PEE) que estableza os protocolos de actuación diante dunha emerxencia que supere a capacidade de resposta dos servizos habituais", denuncia.

Segundo ADEGA, "os residuos mineiros de parte dos estériles da actividade extractiva e os residuos da lixiviación deberían clasificarse como “non inertes perigosos”.

"Salvemos Cabana" alerta dos riscos para a saúde

Paralelemamente a Plataforma Salvemos Cabana quere alertar dos impactos negativos para saúde que a mina de Corcoesto vai traer aos veciños da zona. Considera que a "inocuidade" da explotación "é tan só unha cortina de fume para ocultar a verdadeira realidade asociada en todo o mundo á minaría do ouro a ceo aberto".

A entidade lembra precisamente que a actividade en Cabana vai "xerar 100,000 toneladas/ano de residuos tóxicos cianurados, dada a utilización diaria de cianuro de sodio durante o proceso de lixiviación, a razón de 1,49 toneladas métricas por día".

Salvemos Cabana ademais pensa que hai alternativas ao grave paro na bisbarra, como a potenciación completa do turismo de calidade en harmonía coa conservación do medio e a saúde da poboación ou a aposta pola agricultura e a gandaría ecolóxicas.

Máis información

Novas relacionadas

Fonte

  • Redacción de QPC ([email protected]).
  • Notas de prensa de ADEGA, da Plataforma Salvemos Cabana e da Plataforma en Defensa de Corcoesto.

Comentarios