Seguimos esperando, alomenos, que se retomen as obras da Autovía, para que algún día, pode que no 2016 como case bromeaba o Conselleiro Agustín Hernández, poidamos disfrutar dunha infraestrtura de comunicación tan vital para o desenvolvemento da bisbarra.

E mentres esperamos, sen levantar demasiado a voz, a problemática chega ao Parlamento da man do BNG. O grupo opositor vén de formular unha Proposición non de lei para o seu debate en Comisión. Unha proposición a través da cal "o Parlamento instará á Xunta de Galiza a resolver o contrato para a construción da Autovía da Costa da Morte coa empresa concesionaria, impóndolle as penalidades previstas no prego, renunciando á fórmula concesional e asegurando a finalización das obras a través da execución dun contrato de execución de obra pública.”

I é que son de sobra sabidos, e mesmo recoñecidos pola Xunta, os problemas de financiamento da concesionaria, e que se están retirando maquinaria e instalacións das obras, causando por certo graves prexuízos a moitos veciños e veciñas que ven as estradas polas que circulan danadas polas obras, sen unha solución que garanta a súa circulación en condicións seguras.

Por iso, dende o BNG consideran "escandaloso que a Xunta adxudicara o proxecto á oferta máis cara e que siga optando por unha fórmula que encarece notabelmente o custe das infraestruturas. De feito, cando remate a concesión o conxunto de galegos e galegas pagaremos catro veces máis que o custe real das obras".

Así, o BNG soliita que a Xunta resolva o contrato coa concesionaria e o realice a través dun contrato de execución de obra pública.

Novas relacionadas

• 20-09-13: Os Concellos de Carballo, Vimianzo e Zas pregúntanlle á Xunta polas obras da Autovía11-09-13: O BNG denuncia a eterna parálise da Autovía Costa da Morte.
• 14-03-13: O Conselleiro ríese da Costa da Morte asegurando que a Autovía estará rematada no 2016.
• 04-03-2013: O BNG denuncia a eterna parálise da Autovía Costa da Morte.
• 05-02-13: A Xunta recoñece case un ano de parálise na Autovía Costa da Morte.
• 08-10-12: A Xunta rectifica as verbas de Hernández e insiste en que a Autovía non está paralizada.
• 26-09-12: A Xunta ratifica os retrasos na Autovía ante a falta de financiamento da empresa.
• 22-09-12: A Autovía que separa.
• 20-09-12: A Autovía da Costa da Morte non estará rematada no 2013.
• 19-09-12: Os alcaldes da Costa únense ante a paralización das obras da Autovía.
• 06-06-12: As máquinas volven á Autovía e a Xunta asegura que se cumplirán os seus prazos.
• 24-04-12: O Conselleiro ratifica unha Autovía rematada no 2013 e sen peaxe.
• 13-04-12: Os camións da Autovía paran.
• 03-04-12: Paralizadas as obras da Autovía?.

Máis novas

• Un poboado calcolítico afogado polo asfalto.

Fonte

• Nota de prensa do BNG.