O presidente provincial do PP coruñés, Carlos Negreira, mantivo un encontro de traballo con Alcaldes e portavoces do Partido Popular dos Partidos Xudiciais de Carballo (Cabana, Carballo, Coristanco, Laxe, Laracha, Malpica e Ponteceso) e de Corcubión (Camariñas, Carnota, Cee, Corcubión, Dumbría, Fisterra, Muxía, Vimianzo e Zas), para analizar e facer balance dos resultados electorais.

O líder dos populares, Carlos Negreira, referiuse, a que "o PP segue comprometido por un pacto pola prosperidade e o benestar dos cidadáns, e onde a súa única guía vai ser o seu programa e un contrato cos cidadáns, fronte aos que chaman pactos polo progreso, que no único en que se traducen é que os concelleiros de goberno viven na opulencia e a súa única preocupación é atender ás súas propias demandas".

Negreira subliñou que o PP "non fai pactos de goberno en contra de ninguén, senón a favor dos cidadáns", a diferenza de PSOE e de BNG. Neste sentido, destacou que o PP provincial está aberto a que se asine hoxe mesmo un pacto para que goberne a forza máis votada en todos os municipios.

"Se PSOE e BNG puxesen encima da mesa hoxe mesmo que goberne a forza máis votada en toda a provincia o PP aceptaría esa oferta, así lle devolveriamos o protagonismo aos cidadáns ao elixir ao seu alcalde", afirmou. De non darse esta circunstancia, o presidente provincial subliñou que o que non poden pretender PSOE e BNG é "xogar a todo sen comprometerse a nada", polo que non descartou que exista algunha excepción, ao non producirse ese pacto, que, en todo caso, tería que ser autorizada polo Comité Executivo Provincial á vista das circunstancias que poidan concorrer nun concreto municipio como algo excepcional.

Resultados na zona Carballo

Negreira destacou que o PP foi a forza máis votada na comarca de Bergantiños, co 48.11% dos votos, 21.388 votos, e en 5 dos 7 municipios, o que supuxo 4 maiorías absolutas e 1 relativa, debido a un incremento de 3.363 votos e preto de 10 puntos porcentuais. O PP logrou 14.923 votos máis que o PSOE e 10.004 máis que o BNG. Ademais, o PP conseguiu 55 actas de concelleira, a diferenza dos socialistas que perden 9 actas e o BNG, 3.

Resultados na zona do Partido Xudicial de Corcubión

Negreira destacou, ademais, que "o PP convértese por primeira vez na forza máis votada do Partido Xudicial de Corcubión", con 10.226 votos, o que supón o 35.76% do total de votos, e logrando 34 actas de concelleira. O presidente provincial recalcou que nesta comarca existe unha clara oportunidade de mellora no futuro pero que, aínda así, o PP baixou a metade que o PSOE.

Novas relacionadas

• 7 Concellos pendentes do Pleno de Investidura.
• PP e AIM pactan en Malpica.
• Alejandro Rodríguez non aceptará a súa acta de concelleiro en Vimianzo.
• Tambaléase o pacto PSOE-BNG en Carnota.

Repaso Concello a Concello

• Os comicios en Muros: A forza menos votada ten a chave do goberno.
• Os comicios en Laxe: Bipartito ou goberno en minoría.
• Os comicios en Malpica: Todos os pactos son posibles.
• Os comicios en Cee: A oposición buscará evitar a renovación do alcalde.
• Os comicios en Corcubión: “O pobo falou”.
• Os comicios en Vimianzo: Borrón e conta nova.
• Os comicios en Carnota: Cambio de goberno a tiro de pacto.
• Os comicios en Fisterra: Máis votos que votantes nunha longa noite que mantén a maioría do PP.

Máis información

• Resultados das Eleccións 2011.
• IkiMap cos Resultados das Eleccións 2011.
• Táboa cos Resultados das Eleccións 2011.
• Primeiras valoracións dos Resultados das Eleccións 2011.
• Valoracións Eleccións 2011: O gusto polas Orquestas.

Fonte

• Redacción de QPC (info@quepasanacosta.gal).