Anunciaba onte a dirección de XEAL que ía aplicar o ERTE ata febreiro de 2021. A empresa afirma que o expediente foi “consensuado” coas centrais sindicais, pero esquece que non foi negociado coa actual representación social, senón que se trata do expediente asinado en febreiro de 2019, hai 19 meses, en Madrid entre Ferroatlántica e as centrais sindicais a nivel estatal, en presencia de tres das seccións sindicais pero sen a dun Comité de empresa das fábricas costeiras que ademais se renovou en novembro do pasado ano.
De feito, A CIG non asinara ese ERTE porque a empresa non aceptou tres premisas fundamentais: “retirada do recuso contra a resolución de Augas de Galiza, un calendario de arranque dos fornos, e un plan de viabilidade coa fin de garantir o futuro das fábricas e dos postos traballo”.
A central lamentar terse enteirado pola prensa do ERTE, e lembra que o xa presentou un recurso no Xulgado do Social, estando pendente da resolución do Tribunal Superior de Xustiza de Galicia.

Segregación

Para a CIG a sombra da segregación das producións hidroeléctrica e industrial segue moi viva, coa intención de desmantelar as fábricas e quedar co negocio enerxético, moito máis lucrativo. Así, lembra que mentres as producións nas fábricas de Cee e Dumbría seguen minguando (quedan só dúas unidades produtivas funcionando, estando ao 10% da súa capacidade), o resto das fábricas de FerroGlobe incluídas nese ERTE están traballando practicamente ao 100% da súa capacidade.

O sindicato lembra a necesidade de presentar o Plan de Viabilidade e pide a Xunta que llo esixa. Así mesmo, pide á Xunta unha reunión ou que “actúe de inmediato sobre as concesións, procedendo ao seu rescate”.

"Facer inviable o centro de traballo"

Na mesma liña que a CIG segue a sección sindical USO, que agora dirixe Juan Villar (tras deixar a CGT). "O obxectivo de XEAL é moi claro: facer inviable o centro de traballo, e ficharon a exdirectivos de Alcoa para facelo", denuncia. "Estase amortizando plantilla e facendo desaparecer as empresas auxiliares; xa desapareciu a contratación eventual, fornos parados, e sin interese de ningún tipo por fabricar ferroaleacións, para así dedicarse a venta de enerxía".
"Agora o ERTE vémolo incomprensible que se aplique nunha empresa que non ten nada que ver con Ferroglobe, e sobretodo cando Ferroglobe non vai aplicar ningún tipo de expediente de regulación". Ademais, Villar explica que "incluso a directora financiera de Ferroglobe dixo que a pandemia e o mercado non está causando interrupcións no seu negocio e cadenas de suministro", polo que a única resposta posible é que "Xeal está a destruir o centro de traballo pouca a pouco".

De igual xeito, "a sección sindical CGT non está dacordo con este ERTE". A CGT lembra que "non estivo nesa negociación e tampouco o Comité de empresa do noso centro, polo que entendemos que ese ERTE non pode ser aplicable a nós, pero estámolo consultando".

NOVAS DO CONFLITO #FERROATLÁNTICA

• 17-09-2020: XEAL estende o ERTE ata febreiro de 2021.
• Xullo 2020: Os traballadores de XEAL volveron á rúa.
• Xullo 2020: Rematou o ERTE de XEAL pero a actividade productiva dás ferroaliaxes é inferior ao 8% da súa capacidade .
• 15-05-2020: O Comité demanda o ERTE de XEAL por consideralo “fraudulento”.
• 22-04-2020: O comité rexeita o ERTE de XEAL por consideralo "fraudulento”.
• 13-04-20: O Comité de XEAL pide aos alcaldes compromiso ante o ERTE.
• O Comité de XEAL denuncia que a dirección mantén traballando persoal de grupos de risco.
• 10-03-2020: XEAL explicou, cos traballadores na rúa, o seu plan de futuro aos rexedores da comarca.
• 05-03-2020: O comité de Ferroatlántica pídelle implicación real aos alcaldes e alcaldesas da comarca.
• 02-03-2020: O persoal de Ferroatlantica mantén o calendario de mobilizacións contra o desmantelamento das fábricas.
• 20-02-2020: O Comité de Ferroatlántica considera un acto progapandístico o cambio de nome.
• Febreiro 2020: Ferroatlántica ata cambia de nome.
• Febreiro 2020: Os traballadores de Ferroatlántica volveron concentrarse ás portas da fábrica de Brens.
• Febreiro 2020: As fábricas de Ferroatlántica están ao 30% da súa capacidade de fabricación.
• 02-02-2020: Unha nova concentración baixo a auga con triple obxectivo.
• Xaneiro 2020: 17 novos despedimentos caldean o amibiente para a nova concentración dos traballadores de Ferroatlántica.
• Xaneiro 2020: Os Traballadores de Ferroatlántica volven á rúa este venres.
• Xaneiro 2020: Traballadores de Ferroatlántica viaxaron a Madrid á manifestación polo estatuto da Industria Electrointensivs.
• Decembro 2019: Ferroatlántica avisa de que o resultado da poxa enerxética pode provocar unha baixada da produción.
• Decembro 19: Ferroatlántica reclama unha tarifa eléctrica competitiva para as industrias electrointensivas.
• Novembro 2019: Poucas variacións no Comité tralas eleccións sindicais de Ferroatlántica de Cee-Dumbría-CCHH.