Nen@s que contan contos a nen@s
Como nos gustan colleitar boas iniciativas no ensino, porque dende arriba só nos chegan malas novas. Por iso, imos hoxe de novo ata a Biblioteca do IES Pedra da Aguia, da Ponte do Porto, Camariñas. Ali continúan en marcha cunha liña de fermosas actividades, compartindo ademais o seu saber con outros pequenos.
Desta volta, os rapaces do club de lectura de 3º-4º prepararon dous contos infantís “A Cabra Boba” e “Cocorico”. Estiveron varios días preparando a letra e a coreografía e onte era o gran día. Alá foron, un grupo de 9 rapazas camiño dos centros de Primaria de Camariñas e da Ponte do Porto. Realizaron dúas representacións en Camariñas e unha no colexio da Ponte do Porto, con vintetantos rapaces de cada vez, e os pequechos non pararon de rir, e debeulles gustar porque do contrario non estarían tan atentos.
Os contadores de historias tamén quedaron encantados ca experiencia, unha máis no club de lectura e unha colaboración estupenda cos centros de primaria que puxeron á súa disposición canto precisaron, sobre todo o seu tempo e atención. “Quedamos con gañas de repetir”, cóntanos o propio mestre e responsable do club, Emilio Roca.
Máis actividades no club de lectura
E non para ese club, vaia eses dous clubs de alumnos, de 1º a 4º. En breve os 35 alumnos/as, rematarán o curso “lector” cunha vista a Illa de San Simón, seguindo as pegadas do libro de Agustín Fernández Paz “Noite de voraces sombras”.
Tamén o club de adultos (si, si, os pais e nais quedan no IES para compartir lectura) seguirá os pasos de Agustín, pero desta volta por terras de Pontedeume e Betanzos, seguindo ao protagonista do libro “A viaxe de Gagarin”. Con este mesmo motivo xa realizaron un percorrido literario pola cidade da Coruña. Toda unha experiencia tamén para os pais e nais.
Novas relacionadas
- Alumnos da Ponte do Porto volven ao futuro por Europa.
- A bitácora da semana (CCLXXII): Os clubs de lectura da Biblioteca do IES Pedra da Aguia.
- De regalo, un conto de Xavier Docampo.
- Sogama destaca o IES Pedras da Aguia como un referente en materia ambiental.
- A eterna denuncia sobre a redución do profesorado.
- O Parlamento visita o Instituto.
- A mocidade de Camariñas aprende os valores do cooperativismo.
- Camariñas fai máis ecolóxica a agricultura caseira.
- O IES Ponte do Porto recupera o seu Grupo de Debate entre mestres e pais.
Bo exemplos escolares
- O IES de Baio afronta a súa Décima Semana Cultural.
- Os alumnos de Fisterra, Cee e a Ponte do Porto reciben un 100% de desconto en conflitos.
- O Instituto tamén aprende a ser solidario.
- Os alumnos cybermentores do IES Fin do Camiño promoven a doazón.
- Un 75% dos alumnos costeiros secunda a folga contra a LOMCE.
- Alumnos carballeses que falan dicindo.
- Os alumnos do IES Fernando Blanco, olímpicos en sabedoría.
- O Centro de Promoción Rural – EFA Fonteboa, o novo Bergantiñán do Ano.
- Aprendendo a cantar nanas en galego.
- “Gústame aprender galego”.
