3ª Autonomica: O Baiñas segue o seu rumbo

14:05 23/12/13

Na 3ª Autonomica comezaba a xornada con un intenso Muxia -Montelouro onde os de Louro sacaban unha vitoria da Arliña,unha vitoria que fai que o Montelouro non perda a cabeza e continue con paso firme detras do Baiñas. O cuadro de vimianzo facía o propio na tarde de onte gañanando o Lira con contundencia, un Baiñas que queria terminar o ano como lider e así o fixo. O que segue con paso firme é o Seaia, un equipo recentemente creado e que se manten na parte alta da taboa peleando con Montelouro e Baiñas, outro dos equipos que segue ahí arriba é o Coristanco a pesar da súa derrota no partido fronte o Ameixenda, un Ameixenda que non quere perder as opcions de pelear por ese posible ascenso. Pola parte baixa encontrase un Cerqueda que este ano estalles a costar gañar os seus partidos, o mesmo que lle está a pasar o Laxe, dous equipos que se enfrontaban este fin de semana e que os tres puntos viaxaban co Cerqueda. Mentras tanto o Corcoesto vencía nun partido moi comodo o Castrelo. Muxia - Montelouro ( 1-3)

Muxia: Santi - Prado - Carlos (Damian Rey,min.65) - Martin Santos - Martin Touriñan - Sergio - Ivan -Roberto (Carlos, min.70) - Sergio Lema - Adrian e Javier Rey( Denis Lago, min.45)
Montelouro: Isma - Cesar - Pedro - Abel -José (Eduardo, min.88)- Gabriel - Pablo - Daniel (Jose Piñeiro, min.85)- Benjamín (Bruno,min.55) - Daniel Deza - Jose Louro (Xabier, min.89) .
Goles: 0-1, min.21: Daniel; 1-1, min.31: Abel Suarez en propia porta; 1-2, min.34:Pedro Sanchez; 1-3, min.70 Bruno.

Gran partido dos de Montelouro na Arliña, os muxiáns pouco poideron facer ante o xogo dos de Louro ainda que pelearon ate o final do encontro para intentar levarse algo positivo do seu campo e poder facer este parón con unha alegria. A loteria non tocou en Muxia nin en forma de cartos nin en forma de resultados, no 2014 intentarán ter un cambio de rumbo e poder loitar para meterse neses postos altos.

Laxe - Cerqueda (1-2)

Laxe: Diego, Aaron, Sergio, Borja (Adri, min.60), Samu Soneira, Santi, Gora (Felipe, min.76), Saleta, Anxo (Ivan,min.76), Elias e Carra.
Cerqueda: Angel, Baston, Pailos, Dani, Pablo (Dani, min.41), Javi Pazos , Santi (Eliseo, min.50) , Sergio , Uru , Dario (Dario, min.81) e Carlos (Juanjo, min.80)
Goles: 1-0, min 16: Martin; 1-1, min.48: Dani; 1-2, min.89: Juanjo.
Primeira victoria do cerqueda nun partido que se considera como derbi ,xa que o laxe nunca foi capaz de ganar os de cerqueda desde a sua refundacion, e como tal derbi foi un encontro con pouco xogo pero con moitas ocasions cos dous porteiros moi nerviosos que facian que os atacantes buscaran disparos desde calquer punto do campo, no minuto 5 o cerqueda plantouse solo ante o porteiro con ata 3 xogadores pero primero o pau e despois o porteiro foise esa oportunidad o limbo e na siguiente xogada o laxe tubo unha parecida a saida dun corner donde o defensa do cerqueda saca debaixo dos paus, no minuto 17 adiantase o laxe nunha xogada a contra que engaña ben o porteiro , no minuto 25 outra contra do laxe donde o delantero faille unha vaselina o porteiro pero dani saca o balon outra vez debaixo dos paus. Na segunda parte cos cambios o cerqueda saiu con forza e ca profundidad de Dani seaia o mellor do encontro ,chegando o empate no 48 tras un disparo forte dende fora da area de dani que se colaba por a escuadra, tras o empate o cerqueda dominou o partido tendo a contra moitas ocasions 2 de dani seaia que paraba o porteiro outra de dani que saia o balon fora e outra xogada individual de eliseo que dende o medio campo regateaba a 5 contrarios que paraba o porteiro cunha boa estirada. e non seria ata o minuto 90 que juanjo fresco collia un balon a contra ,regateaba o porteiro e a porteria vacia marcaba a placer.

Coristanco - Ameixenda (0-1)

Coristanco: Nacho - Marquiños (Hector, min.80) - Ruben - Morientes (Marcos, min.20) - Sergio - Magovi (Mallón, min70) - Pazos - Gonzalo - Luis e Ivan.
Ameixenda: Oscar - José - Manuel - Javichu - Camacho - Ivan - Bichiño - Momaño - Riolo (Paulino, min.67) - Borja - Jesús (Mateo, min.88) e Miro (Jorge,min.85).
Goles: 0-1, min.24: Borja.
Expulsión: Do Adestrador do Coristanco DaSilva (min.35) e do xogador do Ameixenda Bichiño (min.80).

Partido moi intenso o vivído no campo do Coristanco, con un xogo moi rápido e con algunha que outra ocasión para ambos conxuntos. O Coristanco comezaba tendo a posesión do balón e controlaban o encontro, pero unha xogada do Ameixenda en posible fora de xogo adiantaria o equipo visitante, a partir deste gol o partido descontrolariase e chegaría a expulsión do adestrador do Coristanco por protestas. Cada minuto que pasaba o arbitro mais descontrolado, pitando cousas sin moitos sentido, anularialle un gol o Coristanco e posteriormente expulsaria a un xogador do Ameixenda. A segunda parte tivo ocasións moi claras para ambos conxuntos, para o Coristanco que tiraba varios tiros o pau e para o Ameixenda varias contras que non superon aproveitar. O final o Ameixenda levariase os tres puntos e o manten na metade da taboa. Corcoesto - Castrelo (5-1)

Corcoesto: Edelmiro - José Couto (Pablo Lema, min.49) - Pablo - Modesto - Martin - Alberto (Javier Rama, min.46)- Rodrigo - German - Luis - Marcos - Jose.
Castrelo: David (Ivan Trigo, min.75)- Esteban - Luis (Oscar, min.79) - Gustavo - Sergio - Roi - Felix (Roberto, min.60) -Isma - Miguel (David,min.71) -Esteban e Francisco.
Goles: 1-0, min. 2: Modesto; 2-0, min. 20: Modesto; 3-0, min. 55: Sergio en propia porta; 3-1, min. 66: Esteban; 4-1, min. 68: Martín; 5-1, min. 89: Martin.

O Corcoesto recibia a un Castrelo necesitado de puntos, o pouco de comezar o encontro xa se adiantaba o Corcoesto con un gran gol, pouco despois chegaría o segundo e terminaría a primeira metade con vantaxe clara no marcador, pero sería na segunda metade onde o Corcoesto remataria o partido endosandolle 3 goles mais e sen dar opción o castrelo a meterse no encontro.

Seaia - Nantón (4-2)

Seaia: Jesús - Victor - Jose (Sergio, min.45) - Javier - Adrian - Ricardo (Sergio, min.45) - Camilo - Daniel (Gonzalo, min.57)- Adrian Torrado (Pablo, min78) - Sergio e Miguel.
Nantón: Erni (Alvaro, min.45) - David - Amado - Diego - Carlos- Felix - Martin - Micael - Carlos (Eloy, min.57) - Daniel (Manuel,min57) e Fer.
Goles: 1-0, min. 5: Miguel Torrado; 2-0 min.12: Camilo; 2-1, min.13 Ivan Moreira; 3-1, min.37 : Javier Garcia; 4-1, min.49: Sergio Cancela; 4-2, min.57: Martin.

Moi boa primeira parte do Seaia con moi xogo combinativo no centro e con dous extremos moi rápidos que puxeron en moitos apuros ó Nantón. Avisaba rápido o Seaia cun tiro dende a frontal no minuto 1 ben rexeitado por Pollo. O Nantón estivo incómodo nos primeiros 45 minutos, sen crear apenas ocasións. Mentres os locais combinaban ben e entraban con facilidade por bandas. O 1-0 chega no minuto 5 dende o centro do campo. Un golazo do mediocentro local que se vai de Amado cun caño e, vendo adiantado a Pollo, conecta un forte disparo que se cola pola escuadra. Pouco despois chega o 2-0 nunha xogada de libro cun pase de 40 metros que controla o extremo esquerdo e bate a Pollo de tiro cruzado. Pero o Nantón esperta e despois do saque de centro recorta distancias por medio de Iván. O Seaia tivo ocasión de ampliar diferencias pero Pollo desbarata un man a man co dianteiro local. Pouco despois un centro dende a esquerda estrélase no longueiro visitante. O 3-1 acabaría chegando no minuto 37 tras un remate á saída dun saque de esquina que rexeita Pollo pero acaba entrando na portería. Na segunda parte mellorou o Nantón e, sen facer moi bo xogo, foi quen de crear suficientes ocasións como para empatar o partido. No 47 avisaba Martín cun disparo que atalla o meta local; no 49 Maikel supera a ó meta local cunha precisa vaselina pero o balón sácao da liña de gol o central. E do posible 3-2 pasamos ó 4-1, xa que na xogada seguinte o extremo dereito local bate a Ernesto (entrara no descanso substituíndo a Pollo). A partir de aquí o Seaia meteuse atrás e o Nantón empezou a crear ocasións sobre todo a base de balóns colgados a área. No 58 Martín fai o 4-2 cun disparo de falta dende 25 metros que, despois de botar, entra na portería local sen que o meta poida facer nada. Seguíu o Nantón empuxando e puido marcar cun disparo de Félix que peta na escuadra e cun remate de David Lareu ó borde da área pequena que saca a defensa, pero o marcador xa non se moveu. O partido rematou con susto xa que na última xogada do partido produciuse un forte choque entre o meta local e Félix na loita por un balón. O peor parado foi o xogador do Nantón cun forte golpe na cabeza que afortunadamente no pasou a maiores.

Baiñas - Lira (4-0)

Baiñas: Sergio - Luis (Samuel, min.85) - Sergio Salgueiros (Sanchiño, min.73) - Jose Luis - Ivan - Hector - Diego (Andrés, min.56) - Esteban - Jose Antonio - Javier (Victor, min.62) - Cristian.
Lira: Andres - Jose Lucena - Fran (Simón, min.75) - David - Jose Formoso - Manuel (Adrian, min.45) - Fran Gonzalez - Alexandre - Oliver (Victor,min.75) - Cristian (Demetrio, min.45) e Jesús.
Goles: 1-0, min.22: Esteban; 2-0, min. 37: Javier; 3-0, min.55: Diego; 4-0, min.67: Jose Antonio.

Un Baiñas moi superior en todo o partido, dominou o encontro de principio a fin. Este equipo ten o ascenso marcado no seu calendario e non parará ata conseguilo, grandes xogadores e un gran entrenador fan que este equipo esté donde está. Partido tras partido demostra que non ten outro obxetivo que o ascenso. Na tarde de onte era o Lira o que sucumbia ante as embestidas de este conxunto, que como todos os equipos ten altos e baixos pero con un obxetivo claro. O lira non foi capaz de meterse no partido, ainda que peleou como fai en cada encontro que disputa. O novo ano traerá cousas novas e diferentes para ambos conxuntos.