Nova xornada para ao Fútbol da Costa (saben que teñen este perfil de Facebook para mantervos informados de todo). Esta fin de semana de 20 e 21 de setembro chega cargada de partidos, xa con todas as Ligas en liza, con 60 partidos preparados e a APP a pleno rendemento.

E comezamos o repaso pola Preferente - Senra Sport, cos nosos dous equipos xa asentados na competición tralas 3 primeiras xornadas de Liga. Dúas saídas complicadas teremos esta fin de semana. O XSC visita un campo veciño, como é o de Noia, recén ascendido pero xa con 3 vitorias nos tres primeiros partidos. Os dumbrieses poderán disfrutar dun dos premios desta tempada, que é o de xogar no García Hermanos, un dos campos míticos de Galicia para enforntarse a un Betanzos que non se está amoldando nada vén á categoría despois do seu descenso, e suma 3 derrotas.

Na 1ª Autonómica - Clínica Vértebra, toca 5 partidos en casa e só o Soneira terá que saír da zona para enfrontarse ao Lesende, un recén ascendido. Un Soneira que xa necesita unha vitoria, pois ten un só punto, igual que Esteirana e Malpica, que reciben a Cordeiro e Amio respectivamente.
Polo demais, o líder, o gran Corme, recibe no Cairo ao Villestro , un dos que sempre son favoritos; o Baio no Platas Reinoso ao Silleda, e o Sofán, que tamén quere estirar este bo comezo, ao Puebla.

Xornada dominical na 2ª Autonómica - ES Bazarra. Sen grandes derbis, os Buño, Volantes, Cee e Zas queren seguir a súa xeira de vitorias, mentres que Carnota, Camariñas, Camelle, Fisterra e Montelouro queren comezar a sumar.

Boa proba para lirachos e corcubioneses na 3ª Autonómica - Clínica Xunqueira, na que o Coristanco recibe a un Muxía xa recuperado da Barca.

Xa en Xuvenís, no Sur veremos un intenso XSC-Esteirana, que servirá para medir forzas e ver quen pode seguir a estela do Dumbría, que recibe ao Castriz. Os Miúdos viaxan a Cee para seguir gañando.
Polo Norte, Cabana e Coristanco son os únicos que contan partidos por vitorias. Os de Óscar Mingui visitan o Pinguel, para enfrontarse ao seu ex adestrador, Carracedo; e o Coristanco visita ao irregular Malpica en Pedra Queimada. O Corme-Baio, o Porteño-Laxe e o Zas-Camariñas perfílanse moi igualados.

Despois da mala, en canto a resultados, primeira xornada, os 3 equipos costeiros en ligas autonómicas apurarán os seus primeiros puntos. Os cadetes dumbrieses de División Honra visitan o domingo Coruxo, os xalleiros da Liga Galega reciben ao Conxo, mentres que o Conco acollerá o sábado un fermoso derbi na Liga Galega Infantil entre Dumbría e Bergantiños.

E segunda xornada na 1ª Cadete e na 1ª Infantil. En cadetes, xa sen o Corcubión, que un ano máis retirou ao seu equipo empezada a competición. De feito, o ano pasado pasara algo semellante, pero este ano o club inscribiu o equipo como as Escolas de Fútbol e evitou así a sanción.

Tamén houbo espantada na 1ª División da Liga de Veteranos, e o Muros xa non arrincou a semana pasada, polo que quedan 15 equipos por división.

Estes son os 60 partidos da fin de semana:

Preferente - Senra Sport, xornada 4

1ª Autonómica - Clínica Vértebra, xornada 3

2ª Autonómica - ES Bazarra, xornada 3

3ª Autonómica - Clínica Xunqueira, xornada 3

• Descansa Ameixenda.
• Coristanco-Muxía alteran a orde e xogan na Rocheira.

Liga Xuvenil Sur, Gr.2 - MáisDeporte, xornada 3

Liga Xuvenil Norte, G.3 - MáisDeporte, xornada 3

División de Honra Cadete - Aluminios Dumbría, xornada 12

Liga Galega Cadete, xornada 2

Liga Galega Infantil - Aluminios Dumbría, xornada 2

1ª Cadete, xornada 2

• Descansa Os MIúdos.

1ª Infantil, xornada 2

• Descansa Fisterra.

Ligas de Veteranos, 1ª División, xornada 2

• Descansa o Xuv. Bergantiños.

Ligas de Veteranos, 2ª División, xornada 2

• Descansa Leiloio.

Máis información

• Descargar a APP do Fútbol da Costa.
• Altas e Baixas do #FútboldaCosta 2014/2015.
• Facebook do Fútbol da Costa.
• www.futboldacosta.com.

Crónicas da semana

• Xuvenís: Crónicas completas da fin de semana da Barca.
• Ligas Galegas: 3 severas derrotas pero boas sensacións.
• 3ª Autonómica: O Lira ponse ao mando.
• 2ª Autonómica: Xornada de estreas.
• 1ª Autonómica: Xa temos líder tras unha xornada co primeiro derbi.
• Preferente: Collendo posicións.
• Resultados dunha fin de semana de Barca.

Novas relacionadas

• Últimos días para inscribirse no Curso de Adestradores Nivel 1 de Carballo.
• O 11 ideal do Fútbol da Costa estreou camisola vencendo ao Depor B.

Fonte

• Redacción de QPC (info@quepasanacosta.gal).