O Dumbría gañou tamén a Copa da Costa dos Veteranos, nun agónico final
Vencía en Fontenla o cadro da Preferente a Copa da Costa 2014. E vencía, en Xaviña de Buño, o Dumbría Vet. un equipo con novo nome pero vellas espadas (os anos anteriores competiron baixo o escudo do Corcubion Vet.), a final da Copa de Veteranos.
Un gol de Miguel a falta de 2 minutos para o final da prórroga deu a vitoria aos dumbrieses fronte un serio Erbecedo, que lle permite levantar o título nesta XI edición da Copa da Costa de Veteranos.
Dumbría - Erbecedo (1-0)
- DUMBRIA: Dani, Tomás, Serxio, Martín, Fandiño, Antonio, Javi, Jose, Isidro, Riki e Luka. Tamén xogaron: Miguel, Marco, Castreje e Juanjo.
- ERBECEDO: Juan, Andrés, Bouzas, Martín, Amarelle, Toño, David, Rubén, Sande, Chucho e Pablo. Tamén xogaron: Abreo, Florencio, Antonio, Muíño, Lema e Chachi.
- Gol: 1-0, min.118: Miguel.
- Ábritros: España con Eduardo Rodríguez e Goyeneche de asistentes.
Fermoso partido o visto no campo de Xaviña de Buño ca mellor entrada de público de todas as edicións disputadas ata o momento. Un choque no que reinou a deportividade, se ben tiña o Erbecedo dúas serias baixas por sanción, como son Marcelino e Belarmino.
O partido foi de claro dominio do Dumbría desde o principio, ante un Erbecedo ben prantado no campo que renunciou ao ataque, pero mantendo unha defensa moi ben formada. con dous centrais como Bouzas e Martín, practicamente infranqueables, que impediron que os dianteiros do Dumbrái tivesen ocasións.
De feito, o primeiro achegamento importante non chegaba ata a media hora de xogo, pero o meta do Erbecedo Juan, un dos grandes protagonistas da tarde, gañáballe a partida a Isidro cando o público xa cantaba gol. Tiña o propio Isidro un man a man pouco despois pero de novo Juan estivo sensacional.
A segunda metade transcorreu cos mesmos derroteiros, e así se chegaba a prórroga. Juan seguía sendo o gran protagonista quitando a esperanza aos puntas dumbrieses, que xa esperaban os penaltis.
Pero a falta de 2 minutos para o final da segunda metade da prórroga, Miguel facía o gol que lle daba o título ao Dumbría. Subíu Juan a rematar o córner na última xogada pero o gol do empate non chegaría e os dumbrieses levantaron o trofeo como Campións da Copa da Costa de Veteranos 2014.
Os trofeos da campaña 2013-2014
Ao remate entregáronse os trofeos aos campións de Liga tan tanto de 1ª como de 2ª, e os máximos goleadores e trofeos á deportividade.
A Gala do Fútbol da Costa - QPC
Máis información
- Os cadros das Copas e as Fases de Ascenso en: www.copadacosta.com.
- www.futboldacosta.com.
- Facebook “Fútbol da Costa”.
Crónicas da Copa de Veteranos 2014
- Volta das Semis: O Erbecedo culmina a sorpresa e se pranta na final ante o Dumbría.
- Ida das Semis: O Erbecedo avisa ao Soneira e Zas e Dumbría respéctanse demais.
- Volta dos Cuartos: Os Cuartos deixaron fóra a varios favoritos.
- 2014: O Coristanco leva o título da Liga de Veteranos.
- 2013: O Coristanco alzouse coa Copa da Costa de Veteranos.
Crónicas da semana
- O Dumbría acodirá á final da Copa da Costa pero explica a súa contrariedade.
- Fútbol Base: O Dumbría, a 180 minutos da Liga Galega.
- Crónica dun agónico e histórico ascenso do Sofán.
- Crónica dunha fin de semana espectacular co ascenso do Sofán e os xa finalistas de Copa.
Máis novas
Fonte
- Redacción de QPC ([email protected]).
