Esta pasada fin de semana tivo lugar en Ponteceso a clausura desta I Liga Intermunicipal de tenis de mesa patrocinada por Reale Seguros. E o fixo cun grande éxito, non tanto polo número de participantes como pola calidade dos mesmos tanto no eido deportivo e no persoal. Pois un dos obxectivos desta liga que era que se coñecesen os distintos deportistas afeccionados ao tenis de mesa (ping pong), foi superado con creces, e agora non só se coñecen se non que van formar conxuntamente un equipo para competir na vindeira temporada na liga federada (3ª división galega).

Outros dos obxectivos era o de afianzar este deporte nos concellos onde se competise. E polo que parece a Liga serviu para que os que xa practicaneste deporte se poñan as pila e durante estes meses xa vimos auténticos adestramentos, nada de "pachanguiñas", nos equipos de Corcubión, Muxía e Ponteceso. Ademais, todos prometeron ir entrenar a Zas coa familia do Anorthosis, convertindo o Pavillón zaense case que nun Centro de Alto Rendimento.

Final por equipos

O pasado venres tiña lugar o encontro desempate para a vitoria final por equipos da I Liga, e foi o Corcubión o que se proclamou campión:

Encontro reñido, disputado, igualado e con incertidumbre ata o final donde os de Corcubión remontaron un 0-2 no último partido de dobres. A igualdade refléxase no marcador de sets (14-13), un só set de diferencia, o conquerido nos dobres. Puido gañar calquera, Muxía tivo as súas oportunidades, con Eduardo Rey no último dos seus individuais, ou nos dobres donde parecia que os muxiáns se ían impoñer con claridade, mais non foi así os de Corcubión remontaron e dende aqui darlle a noraboa aos campions desta 1ª liga intermunicipal que superou con creces as espectativas creadas.

Así a clasificación final desta I Liga Intermunicipal de Tenis mesa quedou:

• 1º - Corcubión.
• 2º - Muxía.
• 3º - Ponteceso.

Final Individual

A cita dosábado en Ponteceso serviu para dilucidar o campión individual, quedando de novo os corcubioneses por diante:

• 1º- Martín Pérez do Corcubión.
• 2º- Mario Iglesias do Corcubión.
• 3º- Eduardo Rey do Muxía.
• 4º- Miguel Canedo do Ponteceso.

Participaron neste torneo individual 10 xogadores dun total de 18 que participaron na liga, distribuidos en grupos:

• Grupo A: 1º Mario Iglesias (Corcubión), 2º Miguel Canedo (Ponteceso), 3º Fabio Domínguez (Muxía) e 4º Xusto Pose (Ponteceso).
• Grupo B: 1º Martín Pérez (Corcubión), 2º Santi Pérez (Muxía) e 3º Miguel Lema (Ponteceso)
• Grupo C: 1º Iván Cousillas (Ponteceso), 2º Eduardo Rey (Muxía) e 3º José L. Pérez (Ponteceso)

E logo eliminatorias que foron así:

• Cuartos de final:
  - Mario - Miguel Lema 3-0;
  - Miguel Canedo - Ivan Cousillas 3-2;
  - Eduardo Rey - Santi Pérez 3-1;
  - Martín - Fabio Domínguez 3-0.
• Semifinais:
  - Mario - Eduardo 3-1;
  - Martín - Miguel Canedo 3-2.
• 3º - 4º posto: Eduardo - Miguel 3-2.
• Final: Martín - Mario 3-2.

Ao final a concellala de cultura e deportes do Concello de Ponteceso, Mª do Mar Durán Mato, e o xerente de Reale Seguros, José Manuel Mato, fixeron entrega dos trofeos e dos agasallos a todos os participantes.

Novas relacionadas

• A Liga de Tenis de Mesa necesita prórroga e prepara un equipo federado conxunto.
• A Liga Intermunicipal de Tenis de Mesa segue chea de emoción.
• O Anorthosis Vimianzo é novo equipo de 1ª División Galega de tenis de mesa.
• O tenis de mesa base segue disfrutando mentres o Anorthosis prepara o asalto ao ascenso.
• O Anorthosis achégase á 1ª División mentres a Liga Intermunicipal continúa con estreas.
• Ponteceso e Muxía protagonizan un apretado comezo da Liga de tenis de mesa.
• Calendario: En marcha a Liga Costa da Morte de tenis de mesa.
• A campiona galega benxamín de tenis de mesa chámase Lorena e é de Zas.
• Unha festa deportiva para pechar o 1º Circuito de Xadrez da Costa da Morte.

Fonte

• Nota de prensa de Estevo Lema.