Os líderes puideron cos equipos do Volei Dumbría

08:20 18/12/13

As cadetes do Volei Dumbría foron as únicas que colleitaron unha vitoria

Non foi tan positiva como as últimas, a xornada para a familia do Volei Dumbría.
A xornada comezaba cunha vitoria na Zonal cadete femenino do Voleibol Dumbría ante Narón por 3-0 (25-23, 25-23, 25-17) nun partido ca as dumbriesas foron por debaixo nos primeiros dos sets pero remontaron nos momentos decisivos cometendo menos erros ca o equipo contrario. O tercer set xa foi fácil para as xogadoras do Voleibol Dumbría. Con esta vitoria rematan a primeira volta cun balance positivo de 4 vitorias e unha derrota cas situa na 2º posicion da clasificación xeral.

Nos outros dous partidos os nosos equipos recibian os lideres da categoria e ainda que perderon en todo momento deron a cara. No Xuvenil masculino o equipo do Voleibol Dumbría recibía a visita do CV Vigo, líder sen perder ningún set en toda a liga, e perderon 0-3 (12-25, 29-31, 20-25) pero faltoulles un pouco de sorte no segundo set para romper coa imbatibilidade do cadro olívico. Tendo en conta que o equipo dumbriés conta con moitos cadetes non deixa de ser un resultado destacable.

Na categoría Infantil femenina o equipo do Manuela Rial perdeu con Pinguela por 0-3 (12-25, 10-25, 19-25) e ainda cas monfortinas foron superiores as nosas loitaron todo o encontro con intensidade.