Este Coristanco sabe cando acelerar. Retomaba o liderato a falta de 3 xornadas para o remate, despois de varios meses de dominio do San Román. Pero cando fai falta subir a marcha, o cadro verde pegou un estirón e queda a un punto de confirmar o título de Liga, por segundo ano consecutivo e así aspirar a revalidar o título da Supercopa.

O domingo traía o partidazo do que vai de temporada, o choque a falta de 2 xornadas entre os dous primeiros, Coristanco e San Román. Unha final en toda regra. A Rocheira, cun bo ambiente nas bancadas, acollía este partidazo entre os dous mellores. E houbo demasiado respecto, ninguén quería arriscar se ben o empate lle valía aos locais. Os visitantes, adestrados por Trigo, foron polo partido e dominaron durante boa parte do mesmo. O equipo de Bértoa estivo moi seguro atrás e soubo esperar o seu momento que chegou xa case chegando ao final co gol de Carlos que valía un título. Intentouno o San Román e de feito tivo un par de ocasións claras para acadar un empate que non chegou e que deixa o camiño libre para o cadro coristanqués cara a renovación do título.

Ascensos e descensos

Polo demasis, na 1ª División, había un choque improtante na zona baixa i é que tres equipos se xogan a permanencia e pelexan por evitar dúas prazas de descenso. O Castriz fallaban en casa ante o Baio e queda pechacancelas con 18. Pero en Carballo, o Xuv. Bergantiños recibía ao que chegaba último, o Cabana, que sorprendía en vencía 0-4, deixando ao Xuv. en descenso, con 20 (un menos que os cabanese) e ademais co porteiro lesionado, pois fracturábase a clavícula.

Esas dúas prazas serán recollidas o ano que vén por Erbecedo e Agualada, que xa confirmaron o seu ascenso, pero que seguen pelexando polo título da 2ª División. O Erbecedo conta cun punto máis que os de Agualada.

Sorteo de Copa

Os veteranos, xa case que teñen a Liga decidida, xa pensan na Copa, e por iso o Comité convoca a unha reunión este 24 de abril ás 21:30h no Salón de Actos do Local da 3ª Idade de Neaño, Cabana, co Sorteo de Copa como punto forte.

Ligas dos Veteranos en www.futboldacosta.com

• 1ª División.
• 2ª División.

Novas dos Veteranos

• X.27: O Coristanco retoma o mando a falta de 3 xornadas.
• X.24: Paso aberto ao San Román.
• X.20: : Veteranos: 5 equipos en 3 puntos ante un duelo no cumio.
• X.13: O CD Hosgran afianza o seu mandato.
• X.9: Apretando o alto da táboa.
• X.4: Veteranos: O Hosgran e o San Isidro-Razo mantéñense intratables.
• 2014: O Coristanco faise co título da Supercopa de Veteranos.
• 2014: O Dumbría gañou tamén a Copa da Costa dos Veteranos, nun agónico final.
• 2013 – 2014: O Coristanco leva o título de Veteranos.
• 2013: O Coristanco alzouse coa Copa da Costa de Veteranos.
• 2012 – 2013: O Soneira celebra sen suar o título duns Veteranos que xa pensan na Copa.
• Copa 2012: O Corcubión sorprendeu ao Castriz e quedou ca Copa de Veteranos.

Máis información

• www.copadacosta.com.
• Descargar a APP do Fútbol da Costa.
• Facebook do Fútbol da Costa.
• www.futboldacosta.com.

Fonte

• Redacción de QPC (info@quepasanacosta.gal).