FUTFEM: Xallas, Corme e Esteirana seguen protagonizando a temporada

crónica futfem

Xallas feminino celebrando a vitoria no vestiario

10:34 14/01/25

Volveu rodar o balón tralo parón de Nadal e traemos estas pequenas crónicas cribadas pola malla dunha gripallada.

2ª División: O Xallas aspira a todo e o Dumbría alcanza ao Cee

Comezamos o repaso pola 2ª División, que rematou a primeira volta, co Xallas como gran protagonista. As de Eloy vencían en Brexo Lema e rematan na 2ª praza, en postos de ascenso directo, a apenas 1 punto das líderes, o Pastoriza, pero sobre todo, con 6 puntos xa sobre o Tordoia. As xalleiras son o equipo máis en forma da competición con 7 vitorias consecui vas vencían con dous tantos de Barcia e Olalla de fermosa falta.

Se o Cee caía na Coruña ante un potente Orzán B, o Dumbría si que conseguía vencer ao Lugo B. As de Santi Lira se colocaban pronto por diante gracias os goles de Eva (2) e Paula Fandiño, relaxábanse un pouco e permitían que o filial se metese no patido, pero na segunda metade, Paula sentenciaba. Aimaxe do partido protagonizouna a pichichi Eva Lema que tivo que poñerse baixo paus trala expulsión de Liss.

3ª División: Corme e Esteirana, impecables

10 de 10 suman Corme e Esteirana. No Gr.2, As de Rubén Souto superaban a proba do Cubaleiro con boa nota, cun rotundo 3-7 e os goles de Naroa (3), Carla (2), Ana e Saskia, que facían inútiles os tantos de Andrea Romero (2) e María Castro.

Xa a 6 e 8 puntos de diferencia quedan Mazaricos e Muxía. As amarelas vencían a Camariñas cos tantos de Valentina e María Senra nun duelo moi igualado ao que chegaban os dous equipos cos mesmos puntos. As muxiás golearon á Baña sen piedade. A 9 do liderato quedan Camariñas e Ponteceso, que tamén goleaba ao Fisterra.
Polo demais, o Zas celebraba a súa segunda vitoria da historia ante o Cerqueda. Isa abría o marcador cun remate de cabeza a centro de Nerea, e está última faría o definitivo 0-2 cun golazo de falta nos últimos minutos.
O Cabana demostrou máis veteranía ante o Soneira e o superaba por 0-4, cos tantos de Adriana e Irene, que completaba outro triplete.

Xa no Gr.4, nova goleada da Esteirana (ollo aos seus números: 71 goles a favor e 12 en contra) que agarda á última xornada da primeira volta para enfrontarse á gran rival: un Céltiga que suma tamén 10 de 10.

As que veñen de menos a máis son as Miúdas, que se colocan 6ª na táboa tras golear a un Mosteiro que chegaba por diante na táboa. 3 tantos de Paty, 2 de María, e 2 de Ximena deron conta da melloría das muradás.

E quen tamén vén de menos a máis é o Outes que vencía ao Sonnoia por 1-0 cun tanto de Carla, demmostrando as de Dani unha gran capacidade.