Mala xornada para os dous equipos costeiros nesta xornada 18 da Preferente, con dúas inxustas derrotas. Sen merecelo, o Sofán caía na casa nun duelo directo que pode alonxar definitivamente ao cadro carballés da loita pola promoción. O Betanzos, tras vencer no Carral, saca 5 puntos ao Sofán, que queda nesa 6ª praza.

Tampouco mereceu o Dumbría, pero acabou caendo ante outro rival directo da zona baixa, e ve como os postos de descenso se lle achegan a só 3 puntos.

Sofán - Betanzos (1-3)

• Sofán: Gardu, Javi, Dani García, Iván, Izan, Xandre, Iván Parafita, Fabián, Marcos Montero, Julián e Iván Pardo. Tamén: Brais, Dani Pena, Isma Rod., Álex Sánchez, Joel, Iraitz e Braian.
• Goles: 0-1, m.25: Alberto Leira; 0-2, m.43: en propia; 0-3, m.65: Andre Poses; 1-3, m.80: Braian.

Foron mellores os xogadores de Pablo Torreira durante todo o encontro pero o fútbol non sempre é xusto. Comezaron moito mellor os carballeses, con chegadas claras para abrir o marcador como un centro lateral de Julián que a piques estivo de rematar Iván Pardo; unha falta de Fita dende 25 que se atopou coa cruceta, unha volea de Alexandre… Mentres que os rivais apenas tiveron no primeiro tempo a chegada do primeiro gol, e unha fría internada ao fío do descanso que acabou en gol en propia e que foi moi doloroso para os locais.

Na segunda seguía o partido co mesmo guión, co Sofán levando o peso do partido e tendo ocasións, pero nunha saque de banda nunha segunda xogada os visitantes facían o terceiro. Non decaeu o equipo, que aínda recurtou por medio de Braian, e seguiu competindo ata o final.

Dubra - Dumbría (2-0)

• Dumbría: Anxo, Berto, Jano, Aarón, Iago, Toni, Alex Marcote, Juan, Adrián Periscal, Xabi Castro e Diego Estévez. Tamén: Isma, Mario, Lucas Toba, Quique Benlloch, Pablo Costa Ramos e Javito.
• Goles: 1-0, m.43: Martín García; 2-0, m.66: Santi Carneiro.

Outro partido sen puntuar do cadro dumbriés, e iso que non competiron mal a pesar do mal estado do campo do Juan Baleato. A falta de acerto e os erros puntuais sentenciaron aos de Pablo Conde. Un erro nas marcas nun saque de banda rival e unha perda na saída de balón custaron dous goles ante os que non foron capaces de reaccionar.

Máis info

• Todos os resultados e clasificacións en www.futboldacosta.com.

Todas as crónicas de Preferente.

• X.1: O Sofán bate a todo un Betanzos e o Dumbría roza a primeira vitoria.
• X.2: O Dumbría pesca en San Tirso pero o Sofán atópase con Juan de Celia.
• X.3: Sofán e Dumbría aséntanse na zona noble.
• X.4: Suma e segue.
• X.5 Doble toque de atención.
• X.6: En posición noble.
• X.7: O Sofán vence e convence e o Dumbría sofre.
• X.8: Situándose.
• X.9: Envorcáronse as tornas.
• X.10: Afianzándose na zona medio-alta.
• X.11: Pouca pesca.
• X.12: Doble e dolorosa derrota.
• X13: .O Sofán reacciona pero o Dumbría volve pecar de falta de acerto.
• X.14: O Sofán asalta, con sufrimento, o Conco.
• X.15: Dous valiosos empates.
• X.16: Un parón tranquilos.
• X.17: Unha goleada das que non se lembran e un gol do porteiro.