Cuarto partido sen coñecer a derrota do cadro de Pablo Torreira que se alonxa da zona baixa tras superar ao Castro no Municipal Arturo Pereiro. Gran vitoria, a pesar de chegar só con 15 xogadores, baseada na seriedade, e no acerto nos últimos minutos.

Castro - Sofán (0-2)

• Sofán: Gardu, Iván, Noe, Raúl, Currás, Fita, Martín Pereira, Fabián, Braian, Javi Souto, Bandera. Tamén: Marcos Montero, Brais, Luca e Alex Gallego.
• Goles: 0-1, m.84: Marcos Montero; 0-2, m.87: Martín Pereira.

Arrincaba o choque con moito respecto, medindo forzas e con alternancia do dominio de balón. Chegarían un par de boas ocasións nun remate en boca de gol de Javi Souto e un remate de cabeza de Bandera que salva o porteiro local con sendos paradóns.

Máis dominio do cadro carballés na segunda, ante un Castro que esperaba atrás, e intentaba saír á contra, pero a seriedade dos onte verdes non lles permitiría grandes ocasións.

Cando quedaban 15 minutos saltou ao campo Marcos Montero que sería o revulsivo do partido, como xa fixo en varios partidos da primeira fase do campionato, primeiro abrindo o marcador e despois dándolle unha asistencia a Martin para acadar o 0-2 definitivo.

CRÓNICAS DA PREFERENTE

• X.12: O Sofán perde, nun saque de banda, dous puntos ante o potente Boiro.
• X.11: Empate ante o pechacancelas.
• X.10: A SD recupera a senda da vitoria.
• X.9: Así foi a case completa xornada de Defuntos no Fútbol costeiro.
• X.8: Empate que sabe a pouco na casa.
• X.7: Freo á marcha positiva do Sofán.
• X.6: Segunda vitoria seguida para o Sofán.
• X.5: Importante primeira vitoria da SD Sofán.
• X.4: Accidentada derrota da SD en Noia.
• X.3: Segundo 3-3 na casa
• X.2: O Sofán mereceu máis no Municipal de Gallamonde.
• X.1: O Sofán arrincou a temporada no Carral.

MÁIS INFO

• Plan Competicional da Preferente.
• Clasificación da Preferente en www.futboldacosta.com.