Comezamos esta nova semana de #DirectosQPC, e facémolo falando de #FútboldaCosta. E como parece a actualidade freou lixeiramente, hoxe facemos unha parada máis relaxada para darlle vos á eses membros das Directivas que dende a sombra, fan que todo funcione. Imos ata Louro, para falar con Xaco Barreiros, unha das almas da UD Monte Louro.

A pesar de ser un home bastante novo leva toda unha vida vinculada á Agra da Filgueira, o equipo “ascensor” por excelencia. Ese club tranquilo, con xente da casa, ás veces “falto de ambición para medrar”. Se o ano que vén estará na 2ª, a perigosa situación da 3ª tamén lles preocupa, e lembra aquela creación dos dous grupos da 1ª Galicia na provincia como un dos grandes problemas a nivel competicional.

Falou precisamente da posible volta do SDC Lariño, equipo co ademais o club loureán ten unha vinculación moi especial, segundo nos contou.

Recoñeceu a pouca posibilidade de crear equipos de base. “Somos un pobo de 900 habitantes, e a emigración fixo que moita xente marchara é incluso para o equipo de maiores temos problemas para xuntar xente”.

Precisamente unha das cousas máis singulares que destacou foi a relación coa diáspora. “Temos xente nas Canarias, en EEUU, Inglaterra… que sempre están moi pendentes do que facemos, pedindo a nova camiseta, o novo chándal, pagando o seu carnet de socio, felicitando polos resultados, ata patrocinadores…” “Non podemos deixar que esto morra, porque o os pueblos sen fútbol perden vida”, facendo referencia ao factor social que sempre destacamos do Fútbol costeiro, como fan outros grupos culturais como Ximiela, levando o nome de Louro polo mundo. “Ver o nome de Louro na prensa énchenos o peito”.

”Cada vez que vou a campo e vexo un rapaz adestrando, xogando… son feliz”, asegura explicando a súa dedicación a un club que conta cunha ducia de directiv@s (toda unha cifra)

40 anos

O club celebra a vindeira temporada o 40º aniversario, e espera facer unha boa serie de actos. Ademais, a nivel deportivo espera que Juan Porrúa acepte a continuidade, e que o Canelo traia 4 ou 5 fichaxes bos para reforzar o equipo na Costa da Morte.

DirectosQPC sobre #FutboldaCosta

• Bebeto: “Disfrutamos facendo cousas para que en Fisterra haxa ambiente”.
• Faladoiro arredor do Futbol da Costa cos equipos implicados nos ascensos.
• Cesar Ferrío analiza nos #DirectosQPC as competicións de volei, fútbol, ciclismo….
• Pedro Gómez, adestrador do Soneira: “Pensamos que pode haber unha posibilidade importante de ascender a Preferente”.
• Marcos Ordoñez: “Os árbitros tamén soñamos con pitar nun estadio cheo a final da Copa da Costa”
• O director deportivo do Fisterra confésase en QPC.
• Manolo Corredoira analiza o futuro do Fútbol da Costa
• Entrevista a Suso da Torriña nos directos de instagram de QPC
• Unha hora de multi-conversa con Huelvis.
• Unha hora de conversa sob FutFem con Fran Figueroa.
• Os mellores momentos da entrevista a Oscar Leis en QPC.