Completísima a xornada costeira, con máis 80 partidos, que tendes en www.futboldacosta.com, incluídas as Ligas de FS de Cee, que repasabamos este venres co paso adiante do Mesón A Cantina cara o título. Así que imos facer o repaso completo á xornada, que nos deixa derbis, títulos, e moita emoción.

E comezamos o repaso pola malísima semana para os irregulares equipos costeiros na Preferente - Senra Sport. Dumbría e XSC deixaron escapar a posibilidade de seguir escalando e afrontan un treito final da temporada sen moito que facer, pero cun ollo no retrovisor, pois o descenso o teñen a 8 puntos.

A xornada viña marcada polos dous derbis da 1ª Autonómica, nos que se colleitaron dúas vitorias caseiras. O Corme venceu a todo un Sofán e corrobora a súa melloría escapando dos postos de descenso, deixando ao cadro carballés xa a 8 puntos do liderato, e a 3 da Promoción. O Baio vencía no choque ante o Malpica e case alcanza ao Sofán, mentres o Malpica vaguea pola metade da táboa.
Polo demais, un puntiño foi o que sacou o Soneira da sía visita ao Amio. Pero a gran nova a protagonizou a Esteirana que confirmou que aínda está moi viva, vencendo ao penúltimo clasificado, que agora ten a tiro de un só partido, e deixando a salvación a só 7 puntos, cando quedan aínda 7 partidos aos que chega cunha tendencia moi positiva.

Non fallaron os 4 de arriba na 2ª Autonómica - ES Bazarra, Zas, Outes, Castriz e San Lorenzo, que seguen nun pano de 2 puntos. Por detrás o Mazaricos cazou ao Baíñas, pero ambos quedan a 9 puntos do grupo cabeceiro, pegados a un Volantes que deu a de cal e perdeu co Carnota.
Por abaixo, e mirando con ilusión as vitorias de Corme e Esteirana da 1ª (cada descenso provocaría unha praza máis de arrastre das 2 fixas) o Seaia pegou un salto vencendo ao Cabana nun choque directo, e se pon a 1 punto dos cabaneses, e con 3 de vantaxe sobre un Montelouro que fixo sufrir a todo un San Lorenzo. Ademais, sumou o Camelle un punto ante o Cee, mentres o Porteño non podía sacar nada da visita do líder.

Xa na 3ª Autonómica - Clínica Xunqueira, o Cerqueda segue ao seu ritmo e xa son 13 xornadas sen perder, e xa saca 8 puntos ao 2º, e ten 14 de marxe para asegurar o ascenso directo. O Ameixenda caía ante o Coristanco, que se pon a 6 puntos, e se mete na pelexa polo ascenso directo. Ademais, o Muxía aproveitaba o descanso do Nantón para seguir sumando, e queda agora o Lira con só 3 de vantaxe sobre os cabaneses, nesa pelexa pola Promoción na que sobra un equipo.

Ferven os xuvenís

Como está a Liguilla Previa á Fase Ascenso á Liga Galega Xuvenil. O Dumbría celebraba o campionato e o seu pase á Fase de Ascenso cunha fermosa homenaxe a un rapaz muradán no choque cos Miúdos. Falamos de Jose María, xogador dumbriés durante o ascenso a División de Honra, que tivo que deixar de xogar por un problema de saúde, e que aínda non pode facer deporte. Fermosa a homenaxe no Conco.
Ademais, a pelexa por acompañar aos de Leis e Lobelos na Fase está cada vez máis quente, e iso que quedan só 2 xornadas. Hoxe é o Camariñas o que lle rouba a praza ao XSC, tras vencer apuradamente o derbi e aproveitar a vitoria do Cabana aos xalleiros, deixando, iso si, os 4 equipos en só 3 puntos de diferencia.

Partidos dispares nas Ligas Autonómicas

Importantísima a vitoria do XSC da Liga Galega Cadete ante o Montañeros, que permite ao cadro de Corredoira dar un bo salto e deixar os postos de descenso directo a 6 puntos. Ademais, o Dumbría da División de Honra Cadete - Aluminios Dumbría sumaba un puntiño e segue tranquilo, mentres as malas novas as trae, de novo, un cadro dumbriés infantil que segue sen sorte e ten cada vez máis difícil a permanencia.

Título cadete para o Corme

Sufríu o Corme para superar ao Cee, 3º, pero puido vencer e celebrar o título da 1ª Cadete. Os cormeláns, a falta de unha xornada, cantan o alirón, e Fase de Ascenso á Liga Galega.
Os que tamén celebraron o pase á Fase foi o Cabana, que vencía ao Fisterra e aproveitaba a derrota ceense para clasificarse, cos azulóns.

Mentres, en 1ª Infantil, descansaba o líder, o XSC, e o Fisterra non fallaba ante o Outes e deixa todo, o título e a única praza para a Fase de Ascenso, para a última xornada.

Ligas de Veteranos

Importante a xornada na 1ª División dos Veteranos. O líder, o San Román, superou un dos baches da temporada, a visita ao Soneira, e ademais se aproveitou do tropezo do Coristanco ante o Zas, polo que queda con 3 puntos de vantaxe sobre o cadro coristanqués. Ademais, o Milagrosa non pasaba do empate ante o Cabana, quedando a 4 do líder.

Preferente - Senra Sport, xornada 27

1ª Autonómica - Clínica Vértebra, xornada 26

2ª Autonómica - ES Bazarra, xornada 26

3ª Autonómica - Clínica Xunqueira, xornada 26

• Descansa Nantón.

Liguilla Previa á Fase Ascenso á Liga Galega Xuvenil, xornada 8

Liguilla Previa da Copa da Costa Xuvenil, xornada 9

• Descansa Fisterra.

División de Honra Cadete - Aluminios Dumbría, xornada 26

Liga Galega Cadete, xornada 26

Liga Galega Infantil - Aluminios Dumbría - Play Off Descenso Norte Impar, xornada 4

1ª Cadete, xornada 25

• Descansa Coristanco.

1ª Infantil, xornada 25

• Descansa XSC.

F8 Alevín Costa Norte, xornada 2

• Descansa Baio.

F8 Alevín Costa Sur, xornada 17

F8 Benxamín Costa Sur, xornada 17

1ª División, xornada 24

• Descansa Hosgran.

Ligas de Veteranos, 2ª División, xornada 24

• Descansa Corcoesto.

Crónicas da semana

• Corme e XSC a un paso dos títulos de Cadetes e Infantís.
• Xuvenís: XSC e Camariñas pegan primeiro.
• Ligas Galegas: 3 realidades distintas para os equipos costeiros.
• 3ª Autonómica: O Muxía métese, por fin, en postos de Promoción.
• 2ª Autonómica: O Zas asalta o liderato trala vitoria do Castriz ao San Lorenzo.
• 1ª Autonómica: Un derbi de porta a porta.
• Preferente: Por fin unha doble alegría.
• Análise e resultados dunha xornada con 83 partidos no Fútbol da Costa.

Novas relacionadas

• A Cantina alonxa ao Estética Raquel do título da Liga de FS de Cee.
• A vida de Donato nun libro con acento costeiro.
• Novo repaso aos Pichichis do Fútbol da Costa.
• Reunión para perfilar as Copas Cadete e Infantil.
• Malpica acollerá un novo curso de Monitor Deportivo.

Máis información

• www.copadacosta.com.
• Descargar a APP do Fútbol da Costa.
• Facebook do Fútbol da Costa.
• www.futboldacosta.com.

Fonte

• Redacción de QPC ([email protected]).