Resultados dunha nova xornada completa no Fútbol costeiro

20:28 26/01/14

Xornada pasada por auga no Fútbol da Costa cun novo e intenso carrusel a través da APP "Fútbol da Costa" e de www.futboldacosta.com. Unha fin de semana marcada por varios derbis de urxencia, da que vos traemos os 75 resultados.

E comezamos o repaso pola Preferente, onde a necesidade non foi necesaria para que o Soneira sacase algo positivo na visita do veciño Xallas de Santa Comba. Tamén lle facía falta ao cadro bicolor unha vitoria tras 5 derrotas consecutivas, e sacouna a pesar de rematar pedindo a hora. E iso que se metía 0-3 na primeira media hora. Agora o cadro soneirán, tras 14 xornadas consecutivas sen gañar, queda xa a 9 puntos da salvación, e o XSC levanta lixeiramente e a deixa a 5.
Mentres, o Dumbría non pasaba do empate en o Castro, e se mantén 7º, a 6 puntos da 3ª praza.

Xa na 1ª Autonómica tamén tiñamos un derbi, pero de non tanta urxencia. O Malpica ponse 3º a só 5 do 2º tras vencer a unha Esteirana que baixa ata a 12ª praza. Ademais, o Baio non podía co líder. Pola zona baixa, malas novas para o Camariñas, que sufría unha durísima derrota cun rival directo o Sigüeiro, que queda a 4 puntos cando podría ter quedado por abaixo. Os camariñáns xa son alcanzados polo Ponteceso, que sumou a súa segunda vitoria consecutiva ante o potente Unión e se poñen a só 3 da salvación.

Espectacular o carrusel da 2ª Autonómica. Ata o último suspiro, por exemplo, a emoción foi a protagonista no Zas-Cee, con remontada incluída nos últimos minutos e gol do porteiro suplente, para deixar ao cadro zaense a só 2 puntos dun Sofán que tamén sufriu para vencer en Lombáns. O Corme tampouco fallou en Camelle e o Outes non puido cun Fisterra que deu a cara e se volve colocar entre os 6 primeiros.
Por abaixo, gran vitoria do Muros en Castriz, e importante a vitoria do Cabana en Muros ante o Volantes, ao que supera na táboa.

Ademais, na 3ª Autonómica, o Montelouro non quere perder a estela do líder, un Baíñas que non fallaba co Seaia, a sorpresa da tempada. E no partido máis igualado o Lira remontou en Coristanco e se coloca 3º.

Fantástica a xornada nos Xuvenís da Costa, a penúltima da Liga. Polo Norte, e tremenda vitoria do Coristanco sobre o Malpica, como vemos na foto que nos achega o cadro verde. Pero o 5-4 non lle chega para meterse por diante de cara a última xornada porque ao final de campaña conta o golaverage individual, e o Malpica vencía 2-0 na ida. Co Cabana xa campión tralo empate en Corme , os cormeláns, malpicáns e coristanqueses xogaranse as dúas prazas na última xornada.
No Sur, o Dumbría segue ao seu; a Esteirana certificou o seu pase, e o XSC, a pesar da derrota ante o Fisterra pecha tamén os 3 que pasan á Liguilla.

Na División de Honra Cadete o Dumbría volve meterse 4º tras golear en Val Miñor. Pero malísima foi a derrota do cadro dumbriés na Liga Galega Infantil, que o deixa, a falta de 2 xornadas ao fío da Liguilla polo Título e o mete na Liguilla por evitar o descenso. O XSC sumou un puntiño máis pensando na Liguilla por evitar o descenso.

E foi tamén importante a xornada na 1ª Cadete, pois o XSC métese a 1 punto do Fisterra tras gañarlle, manténdose aínda invito. Zas e Cabana seguen de preto.
Mentres que en Infantís, descansaba o Fisterra e Cee e Corme aproveitaron para escapar lixeiramente.
Ademais, nos peques, Dumbría e Fisterra suman 8 de 8 en Alevín, F-8 Costa Sur, igual que o Outes en Benxamín F-8 Costa Sur.
E atentos tamén ás LCFs que tamén están actualizadas.

Volvemos aos grandes porque a xornada 18 deixa de novo ao Soneira como líder da 1ª División de Veteranos. Recibiía a un Laxe que levaba moitas xornadas de líder e tras un partidazo, os vimianceses toman o relevo e volven convertirse nos máximos aspirantes. Atentos tamén á fermosa loita na 2ª División entre Milagrosa e Corcoesto.

E pechamos ca Liga Intermunicipios na que o Cances e o Baldaio seguen ca súa fermosa loita particular.

Preferente, xornada 22

Castro	1-1	Dumbría
Soneira	2-3	Xallas StComba

1ª Autonómica, xornada 20

Malpica	4-1	Esteirana
Ponteceso	1-0	Unión
Camariñas	1-2	Sigüeiro
Noia	4-0	Baio

2ª Autonómica, xornada 20

Camelle	1-2	Corme
Volantes	2-3	Cabana
Porteño	5-2	Corcubión
Mazaricos	2-0	San Lorenzo
Carnota	2-3	Sofán
Castriz	0-2	Muros
Zas	4-3	Cee
Outes	1-2	Fisterra
Indep. Carballo	3-0	Buño

3ª Autonómica, xornada 12

Ameixenda	2-1	Cerqueda
Castrelo	0-7	Muxía
Laxe	0-3	Montelouro
Coristanco	2-3	Lira
Corcoesto	1-2	Nantón
Baíñas	3-1	Seaia

Liga Xuvenil, Gr.3, xornada 21

Xallas StComba	2-4	Fisterra
Mazaricos	0-4	Esteirana
Soneira	0-3	Outes
Dumbría	4-0	Cee

Descansa Muros e Lira.

Liga Xuvenil, Gr.4, xornada 21

Corme	2-2	Cabana
Laxe	4-4	Muxía
Baio	9-0	Porteño
Ponteceso	3-0	Castriz
Coristanco	5-4	Malpica

Descansa Camariñas.

División de Honra Cadete, xornada 19

Val Miñor

1-5

Dumbría

Liga Galega Infantil, xornada 19

Xallas StComba	2-2	S.de Compostela
Dumbría	1-2	Lalín

1ª Cadete, xornada 11

Muxía	3-2	Outes
Esteirana	2-1	Coristanco
Cabana	11-1	Corcubión
Zas	2-2	Baio
Xallas StComba	2-0	Fisterra
Cee	1-0	Muros

1ª Infantil, xornada 19

Cee	9-0	Vimianzo
Ponteceso	5-3	Cabana
Esteirana	4-2	Os Miudos
Outes	6-3	Sofán
Coristanco	5-1	Muxía
Corme	3-0	Baio

Descansa Fisterra.

Alevín, F-8 Costa Sur, xornada 9

Esteirana	2-2	Zas
Dumbría	16-0	XSC B
Os Miúdos A	3-1	XSC A
Os Miúdos B	2-7	Fisterra
Lira	0-10	Outes

Descansa Cee.

Benxamín F-8 Costa Sur, xornada 9

Dumbría	1-3	XSC B
Os Miúdos A	2-4	XSC A
Os Miúdos B	2-7	Fisterra
Esteirana A	28-0	Zas
Esteirana B	22-4	Cee
Lira	1-12	Outes

Ligas de Veteranos, xornada 18

1ª División

Soneira	3-2	Laxe
Cabana	2-1	Dumbría
Nantón	0-3	San Lorenzo
Xv. Berganttños	6-1	Camariñas Vet
Zas	2-0	Castriz
Ponteceso	2-3	Baio
San Román	1-0	Bértoa
Coristanco	2-0	Muros