A gran finalísima da Liga da Costa no Cairo focalizou gran parte da atención desta fin de semana do fútbol costeiro. I é que non é normal que unha Liga de 34 partidos se decida practicamente a un golpe, ademais entre dous dos mellores equipos da temporada.
Empezamos así, pola 2ª Autonómica o repaso á xornada desta última fin de semana de abril, cun Corme que deu un paso case definitivo cara o título da Liga da Costa ao vencer 2-1 ao Sofán. Un puntiño en dous partidos faille falta para asegurar o título e o ascenso á 1ª, pois este curso si que están convencidos de coñecer o seu teito.
Polo demais, o Zas quere pelexarlle a segunda praza, de promoción ao Sofán, que conta con 4 puntos de vantaxe. Por abaixo, a derrota do Camelle en Zas déixao tocado, ante as vitorias do San Lorenzo e Volantes, fundamentais, que meten ao cadro camellán ocupando a segunda praza de arrastre, unha vez que a vitoria do Muros parece que chega algo tarde.

Xa na Preferente, malas novas para o Dumbría, que caía en Viveiro tras facer unha das mellores primeiras metades da temporada, pero que un penalti dubidoso tiraba ao traste unha temporada enteira. O Silva non fallaba e xa saca 4 puntos aos dumbrieses. Ademais, o Soneira sumou, pero xa é demasiado tarde. Pola súa parte, o XSC pechaba a xornada cun empate en Chantada, que o deixa afianzado na 14ª praza, confiando en que só haia 3 arrastres.

Na 1ª Autonómica, o Malpica dixo adeus ás súas aspiracións de ascenso. O Arzúa endosaba 5 aos de Baña e se xogará co Villestro a segunda praza de Promoción, por detrás do líder. Un Noia que chegaba a Esteiro e que acadaba un empate ante unha Esteirana que depende dos posibles arrastres da 3ª e da Preferente, e particularmente do XSC. Agora mesmo está en probable descenso por arrastre, empatada co Cordeiro, na 2ª praza despois dos postos directos de descenso, ocupados polo Camariñas e Ponteceso, ademais do Lamela, e só cun punto de vantaxe sobre o Sigüeiro. Aínda ten que remar.
Mentres, o Baio segue ao seu e camariñáns e pontecesáns desexando que remate xa a liga.

Ademais, temos finalísima da Promoción de Ascenso da 3ª Autonómica. O Seaia dou conta do Coristanco na Rocheira, e se enfrontará a un Ameixenda que volvía pasar por riba dun Lira que tirou unha magnífica temporada e unha semana.

Arrincaron tamén os Cuartos da Copa da Costa Xuvenil, con 3 vitorias visitantes e unha local. A Esteirana ante o Cabana, o Dumbría ante o Outes, o Muros ante o Cee e o Corme ante o Fisterra tomaron vantaxe de cara ao partido do xoves 1 de maio, que terá tamén choques da Copa dos maiores e a final da Copa da Costa Cadete entre Coristanco e Fisterra.

Ademais, en 1ª Cadete, o XSC segue camiño do título, e saca 6 puntos ao Fisterra faltando 3 xornadas.

Fisterra e Esteirana, campións de Prebenxamín

Se Os infantís do Cee recibían a Copa de campións de Liga no choque ante a Esteirana, esta fin de semana remataban varias Ligas dos peques, da zona Sur, quedando aínda case 2 meses de competicións nos do Norte. En Alevín, F-8 Costa Sur o Dumbría xa quedara campión e empatou esta semana ante o 2º, o Fisterra. Xa van varias xornadas que o Outes se proclamara campión da Benxamín F-8 Costa Sur.

Pero a atención estaba nos Prebenxamíns, pois se enPrebenxamín F-8 Costa Este a Esteirna xa celebraba o título a semana pasada, o da Costa Oeste estaba en xogo. Cee A e Fisterra e Fisterra enfrontábanse co título polo medio, e o empate a 5 valeulles aos fisterráns para celebrar o título.

Os Veteranos, xa ca Copa

Remataron as Ligas de Veteranos xa con todo decidido. Así e todo Coristanco e Soneira, campión e 2º (e ex campión) protagonizaron un duelo fantástico na Rocheira, que certificou ao cadro verde como xusto campión. Agora, xa pensan na Copa da Costa de Veteranos 2014.

Preferente, xornada 35

1ª Autonómica, xornada 32

2ª Autonómica, xornada 32

Promoción de Ascenso 3ª Autonómica, Volta das Semifinais

• Podedes ver como queda o cadro completo en www.copadacosta.com.

División de Honra Cadete, xornada 30

Play Off Descenso da Liga Galega Infantil, Grupo 2 Norte, xornada 10

1ª Cadete, xornada 23

I Copa da Costa Infantil, Volta dos Cuartos

• Podedes ver como queda o cadro completo en www.copadacosta.com.

Alevín, F-8 Costa Norte, xornada 11

• Descansa Coristanco.

Alevín, F-8 Costa Sur, xornada 22

Benxamín F-8 Costa Norte, xornada 11

Benxamín F-8 Costa Sur, xornada 22

Prebenxamín F-8 Costa Este, xornada 10

• Descansa Esteirana.

Prebenxamín F-8 Costa Oeste, xornada 8

• Descansa EFB Corcubión.

Ligas de Veteranos, xornada 30

1ª División

2ª División

• Descansa Malpica e Poniente.

Máis información

• APP “Fútbol da Costa” para Android.
• APP “Fútbol da Costa” para iPhone.
• www.futboldacosta.com.
• www.copadacosta.com.

Crónicas da semana

• Copa Xuvenil: Moita igualdade nuns Oitavos que se deciden o xoves.
• A Liga da Costa decidirase no Cairo e o Dumbría pelexa a promoción.
• Domingo de Resurrección no Futbol Costeiro.
• Sábado Santo cheo de Futbol Costeiro.
• Copa da Costa: Xornada de desaseisavos en Xoves Santo.
• Preferente: Vitoria importantisima de Xsc e Dumbria.
• A Copa da Costa no Xoves Santo.

Artigos relacionados

• Os Biberones tamén teñen a súa I Copa da Costa.
• A febre deportivista espállase por Verdillo.
• Baio e Porteño celebraron os 50 anos da Liga da Costa.
• Xa chegaron os cromos da SD Fisterra.
• Lema Suárez: O 12 de abril, a data exacta dos 50 anos da Liga da Costa.
• O Gato parapenaltis.

O Album de cromos do #FutboldaCosta

• quepasanacosta.gal/album.

Fonte

• Redacción de QPC ([email protected]).