A Mikaela e o Caietano protagonizan os entroidos bergantiñáns
Menudos dous personaxes os dos entroidos de Buño e Laxe. A Mikaela e o seu Via Crucis de bares, compartirá protagonismo, ademais dos veciños o Farruco de Seaia e o Faustino de Malpica, co laxense Caietano, que se convertíu nos últimos anos nunha referencia festexeira.
A gran cita para estes dous persoeiros será no seu enterro (que triste a vida do personaxe de entroido...). En Buño, a gran cita, o enterro da Mikaela será o sábado 8, con charanga, sesión vermú, procesión hostaleira, concurso de disfraces, a incineración e festa rachada coa Canadá e a disco móbil.
Entroido veciñal en Laxe
En Laxe, as asociacións xa armaron un gran programa de entroido, que arrincará o domingo 2 de marzo co desfile e a festa de comparsas. Será o día da chegada do Cayetano, que dará o pregón se proclamará o alcalde (por pouco tempo, como sabemos pola súa historia).
Arrincará o concurso de comparsas, no que ata o momento teñen confirmada a súa participación 5 comparsas de temática variada e nas que se verán implicadas máis de 70 persoas.
A gran festa será a do venres 7 de marzo, co Enterro do Cayetano. Dende primeiras horas da mañá, o “corpore in sepulcro” do Cayetano permanecerá exposto diante da Casa do Concello, anunciando o inevitable: o seu enterro e queima esa mesma noite co fin de que non volva máis polas terras de Laxe.
A festa deste día comezará ás 21:30h coa Concentración de viuditas e demais coñecidos/as e achegados/as do Cayetano na Praza dos Voluntarios para oficiarlle a Misa "córpore in sepulcro" polo bispo Florentino, xa ás 22:00h. A procesión arrincará ás 22:30h polas rúas de laxe animada pola Cofradía Nuestro Padre Jesús del Silencio de Pontevedra, armada con cornetas e tambores. Durante a procesión non faltarán tampouco nin as as velas nin as antorchas.
E xa ás 0:00h, queima do Caietano na praia de laxe á altura da Praza dos Voluntarios e comezo dunha Gran Festa cos grupos: Tren da Unha de Laxe e Per-Versións, da Coruña.
Novas relacionadas
- A historia de Caietano.
- Laxe 2009: O pobo de Laxe enterra ao Cayetano .
- Malpica 2013: O Entroido costeiro viviu unha completa traca final ca Mikaela.
- Malpica 2012: A Mikaela peregrinou por todas as tabernas de Buño.
- Malpica 2011: A Mikaela, un Vía Crucis de bares.
- Un Entroido de Tapas e Cócteles en Santa Comba.
- Carnota e Muros arman dous entroidos parroquiais.
- Carballo pon a máscara.
- Volverán as míticas comparsas ao Entroido de Corcubión?.
- Cee prepara un Entroido de Comparsas e Carrozas.
- 15 asociacións montan un mes de Antroido de Malpica.
- O Rei do entroido da Costa da Morte xa ten 5 comparsas e pregoeiro.
- Zas e Mazaricos preparan o seu Entroido.
- #DumbríaéEntroido.
- Os Pinchos e o Enterro do Percebe volven protagonizar o Entroido de Muxía.
- Vimianzo recupera o seu entroido dominical.
- Laxe e Cabana xa preparan o seu Entroido veciñal.
- O Pindo terá un Entroido de Western.
- Un Entroido para unir e divertir en Cerqueda.
- O Entroido de Fisterra 2014 xa ten cartel.
- Concello de Santa Comba.
