Óscar Suárez e David Blanco lideran as táboas de goleadores
A colaboración sempre é importante e temos o gusto de traballar man a man Luís Porto e o equipo de Deportes de QPC para que as táboas do Fútbol da Costa estean perfectamente correctas. Hoxe facemos un repaso ás táboas de goleadores, unhas táboas que coida á perfección Luís E. Porto dende Malpica coa nosa estreita colaboración. I é que Luís compara os goles que publicamos nas crónicas de QPC coas das actas da Federación, e logo nos pregunta para que confirmemos directamente cos clubes cales son correctas (case sempre as nosas están mellor que as actas, vaia...).
Así que aproveitamos este traballo conxunto para repasar como están os pichichis das 1ª e 2ª Autonómica, a estas alturas de xaneiro. E atopamos que temos dous xogadores costeiros con 15 tantos, como son o malpicán Óscar Suárez na 1ª, e o zaense David Blanco na 2ª, curiosamente tamén xogador do Malpica ata este curso.
A táboa de goleadores da 1ª complétase con grandes xogadores como os esteiráns Kike Paluca (13) e Róber Pladur (11) (vimos de modificar as cifras pois tras falar con eles decatámonos que o gol ante o Azrúa o metera Kike e non Pladur), e xa bastante lonxe chegan os baieses Canay (6) e MC (6), este de baixa moitos meses, os camariñáns Brais Triñares (6) e Mario Toja (6), e Dieguito (6) pichichi do Ponteceso.
Na Liga da Costa, seguen moi de preto os pasos de David Blanco o sofanista Raúl (14), os cormeláns Lucas (14) e Juan Chans (13), o tamén xogador da SD Iván Rojo (13), o fisterrán Aitor (13), ademais dos Piki (12) do Outes, Mané (12) do Fisterra, Mario (12) do Corcubión, ou Charro (11) do Buño.
Intentaremos para as vindeiras semanas facer un repaso aos pichichis da 3ª e das Ligas Xuvenís, que de seguro tamén está a cousa fervendo.
Máis información
- APP “Fútbol da Costa” para Android.
- APP “Fútbol da Costa” para iPhone.
- www.futboldacosta.com.
- www.copadacosta.com.
- Facebook Fútbol da Costa.
- Calendario e resultados da I Copa da Costa Cadete.
Crónicas da semana
- Xuvenís: Todo listo no Sur e moito por decidir no Norte para a última xornada.
- División de Honra Cadete: O Dumbría saca o rodete.
- 3ª Autonómica: O Montelouro non deixa escapar ao Baíñas.
- 2ª Autonómica: Emoción ata o último suspiro no carrusel da Liga da Costa.
- 1ª Autonómica: O Malpica mete en problemas á Esteirana e o Ponteceso asoma a cabeza.
- Resultados dunha nova xornada completa no Fútbol costeiro.
Artigos relacionados
- A maquinaria colchonera en Dumbría conta cos grandes formadores da zona.
- Máis dun milleiro de persoas comprobaron a importancia social do clube decano do Fútbol da Costa.
- Doro e Antonio Mouro, xalleiros do ano.
- Santa Comba será a sede dun novo curso de Adestradores.
- A Escola dumbriesa do Atlético de Madrid abre as súas portas a toda a bisbarra.
- A Pipa de Corredoira: 30 novos adestradores diplomados na Costa.
- Alberto Pose: Da ilusión que xeneran os cromos da Costa.
- O libro Mar de Paixón presentouse cos grandes mitos do Fútbol da Costa.
- Manuel Varela: A Costa do Fútbol.
- #Regateegol: Vídeoentrevista cos presidentes máis novos do Fútbol da Costa.
O Album de cromos do #FutboldaCosta
Fonte
- Redacción de QPC ([email protected]).
- Colabora blog do Malpica de Luis Porto
