Martín Varela proclámase Campión do Open Internacional Vila de Xetafe e inicia unha xira norteamericana

10:23 07/09/11

Tras colocarse entre os 80 mellores tenistas do mundo, o cormelán Martín Varela Dourado, integrante da sección de deporte para discapacitados A.D. Cempés, proclamouse o pasado fin de semana Campión do I Open Internacional Vila de Xetafe. Sobe postos con este triunfo Martín Varela e xa alcanza o posto nº 63 do ranking internacional.

Viaxe norteamericana

Este mesmo martes día 6 de setembro, Varela inicia a viaxe a terras americanas para seguir coa súa planificación anual para intentar clasificarse para a Paraolimpiada de 20122 en Londres. Para iso debe competir tanto en Europa como noutros continentes. Tras competir en abril en África, agora debe competir en América, primeiro irá a Canadá e a seguinte semana a Estados Unidos.

E aí, Martín quere agradecer o esforzo que realizan os seus colaboradores, o colectivo "Con V de Valarés", Apligasa, Deceuninck e este mesmo agosto recibiu tamén a colaboración da empresa de Malpica de Bergantiños "Obras Ramón Cotelo" que coa súa achega fará posible que Martín poida competir en dous torneos en Canadá e Estados Unidos.

Campión en Xetafe

Martín Varela viaxa tras proclamarse campión no seu último torneo, no Open Internacional de Xetafe. Para iso Varela venceu en cuartos a Miguel Tena por un dobre 6/1. En semifinais venceu ao madrileño Rubén Pérez nun duro partido que tivo que decidirse no terceiro set: 5/7, 6/3 e 6/3.
Na final o cormelán enfrontouse ao campión do Mundo junior, o xogador local Dani Caverzaschi. Ambos os xogadores atópanse nun gran momento de forma e a pesar de que se esperaba un partido moi igualado, o gran acerto de Varela e os fallos non forzados de Caverzaschi fixeron que o partido decidísese en dous sets para Varela por un dobre 6/2.