Fantástica a iniciativa das asociacións de Vimianzo de unirse nunha Plataforma Solidaria. E fantástica a resposta de todo o pobo de Vimianzo no Festival Benéfico celebrado este pasado domingo. Todo unha fin de semana completa, con visita do Apalpador e estrea dunha documental de Carmen Neira Marcos incluidas.

Festival Benéfico

Ateigado estivo o auditorio da Casa da Cultura de Vimianzo para o Festival Benéfico qur organizou a Plataforma Solidaria. As asociacións da vila artellaron este festival para recadar fondos para os máis necesitados, como o Maratón Solidario 3x3 da Cherinkas. A simbólica entrada de 2€ servirá para Cáritas, que ademais coordinou unha campaña de recollida de alimentos.

Alí subiron ao estrado o grupo de baile Airiños do Río Grande, o grupo de baile Foliada de Salto, os gaiteiros O Revoltixo da Asociación San Martín de Carantoña, a Asociación Cultural Trubisquiña de Vimianzo, os acordeonistas Aserrín e viruta de Pasarela e o grupo da escola municipal de aeróbic. Todos realizaron diferentes actuacións nun festival presentado polos coñecidos Ghañan Style, que tamén quixeron colaborar nesta iniciativa.

Os comerciantes quixeron poñer o seu gran de area con regalos para os asistentes, e xa podedes ollar a listaxe de números premiados nas rifas do sorteo do Festival Benéfico de Vimianzo.

O Apalpador estivo en Vmianzo

Agradabilísima a viista do Apalapador para darlle un toque máis galego ao Nadal vimiancés. Os peques entonaron aquelo do:
Vaite logo meu neniño
marcha agora para a camiña
que vai vir o Apalpador
apalparche a barriguiña.

Dona Carmen une xeracións

Xa ten unha estatua e mesmo unha praza ao seu nome. E dende esta fin de semana Carmen Neira Marcos ten tamén a súa película. A documental "Dona Carmen Neira Marcos, mestra de todo e para todos". foi presentada esta pasada fin de semana nunha gala dirixida por Toño Casais, que ademais foi o mestre da obra de teatro que protagonizaron os mozos da escola de teatro municipal. Todo, nun encontro interxeracional que lembrou a gran mestra e serviu para que pequenos e maiores se unan un pouco máis.

A Presidenta da entidade, María Teresa Ferreira Lavandeira, falou sobre a vida de Dona Carme. De contado Xosé Ameixeiras, periodista e escritor, que colaborou na elaboración do video xunto coa súa filla, tamén deu a súa visión. O alcalde de Vimianzo, Manuel Antelo, que foi quen deu a idea á asociación, nunha xuntanza, de facer este video, explicou como nacía, e de contado Mª Teresa Ferreira e María García (a súa filla) e Antía Ameixeiras, que preparou o audiovisual, explicaron como foi o devir da grabación.

Foi aí cando deron paso á actuación teatral reproducindo a escola de Dna. Carmen con dúas anécdotas recollidas das testemuñas do video. Dirixida por Toño Casais, con Sara Rodríguez facendo de Dna. Carmen, e co nenos desde 4 ano ata mozos de 18 facendo de alumnos, tal e como era antiguamente.

Ao remate todos os asistentes puideron disfrutar da proxección do vídeo.

Novas solidarias

• Os veciños de Salto recuperan a memoria de Dona Carmen Neira Marcos nunha documental.
• As asociacións de Vimianzo únense nunha Plataforma Solidaria.
• Cáritas Fisterra recolle e reparte 2500 quilos de alimentos.
• A pesca que non se comercializa, do mar de Camariñas ás familias necesitadas.
• O Instituto Solidario.
• 20 familias de Malpica reciben axuda en forma de alimentos.
• En Carnota xa non queda cativo sen xoguete.
• Polo Nadal, en Laxe xogamos todos.
• Íntegro animou aos alumnos de Baio a sacarse o Pasaporte Solidario.
• Solidariedade por deporte en Carballo.
• Camariñas adica o seu Mercadillo Solidario de Nadal a Filipinas.

Fonte

• Redacción de QPC ([email protected]).