O SEMESCOM presentan alegacións ao Plan de Xestión dos Penedos esixindo un Centro de Interpretación
O Seminario de Estudos Comarcais, unha das entidades con máis peso na Costa da Morte, vén de presentar ante a Dirección Xeral de Patrimonio Natural da Xunta de Galicia un documento de alegacións ao Plan Xeral da Paisaxe Protexida dos Penedos de Pasarela e Traba, que se atopaba en período de exposición pública ata o día de hoxe.
As alegacións considera “positiva a prohibición de actividades na contorna desta Paisaxe Protexida que produzan grande impacto no media” pero lembra que aínda segue en marcha o Parque eólico de Pena dos Mouros.
Sobre o financiamento sinalan que “non nos parece adecuada a distribución de temporalidade (5, 10 e máis anos) e de prioridade (alta, media e baixa) que se fai de cada unha das actuacións por ser pouco realista e efectiva. Ten sentido propoñer unha actuación a máis de dez anos cun orzamento actual?”, pregúntanse, sinalando que se execute nun prazo de dous anos.
Consideran positiva a habilitación dunha área destinada a aparcadoiro na zona do Cruce do Brañal, e piden un mínimo de dúas limpezas ao ano.
Sobre a sinalización valoran que “a instalación de paneis informativos ou interpretativos deberían ser os estritamente necesarios sobre o espazo protexido para producir o menor impacto posible”.
Seguramente o punto máis importante é a aposta pola “creación dun Centro de Interpretación dos Penedos no edificio da antiga casa-escola Labarta Pose de Pasarela, situado no centro desta localidade, a máis próxima a esta paisaxe protexida e tamén punto de partida da maioría dos visitantes deste espazo”.
MÁIS NOVAS SOBRE OS PENEDOS
- Novembro 23: Contramínate ofrece alegacións para mellorar o Plan de Xestión dos Penedos de Traba e Pasarela.
- Outubro 23: O SEMESCOM critica o eterno retraso na posta en marcha do Plan de Protección dos Penedos de Traba e Pasarela.
- 09-10-2023: Someten a información pública o Plan de Xestión da Paisaxe Protexida dos Penedos de Traba e Pasarela.
- Propostas para un comezo ordenado do Parque do Megalitismo.
- Marzo 23: A Xunta denega o Parque Eólico de Soesto pola afección aos Penedos.
- 18-11-22: O Plan de Xestión dos Penedos someterase á participación pública.
- Xaneiro 2020: Vimianzo e Laxe únense de novo para esixir que a Xunta comece o Plan Estratéxico dos Penedos.
- Novembro 2018: 10 anos despois a Xunta comeza a traballar no Plan dos Penedos.
- 2009: Os Penedos de Traba e Pasarela son oficialmente Paisaxe Prote
ARTIGOS RELACIONADOS
- María José Mato: Un Plan por xustiza.
- @alcolitos_e_eolicos: Os Penedos seguen en modo SOS: Laxe agraciada con tres estacións eólicas.
- Xan Fdez. Carrera: Novo ataque á Costa da Morte.
- Enma Pérez (IES Terra de Soneira): A implantación dos eólicos nos Penedos de Pasarela e Traba, benefico ou destrución?
- Claudia Roget Antelo (IES Terra de Soneira): Os Penedos de Traba e Pasarela.
