Que emoción a viviva o pasado sábado na Casa da Cultura de Vimianzo. I é que cando os protagonistas son da casa, a comarca de Soneira saca o seu orgullo e vólcase cos seus. E non podía ser doutra forma co cantante Serj, que presentaba o seu primeiro disco, “Velaivén”, diante dos seus veciños, familiares e amigos.

O emotivo acto, presentado por Alberto Mancebo, unha das voces da TVG, outro veciño ben querido, por Vimianzo, foi un “inmellorable xeito de presentar este novo traballo”, como recoñece o propio Sergio. Un Sergio “desbordado por todo o cariño e apoio que me deu a xente”, i é que, por momentos, os aplausos non lle permitían explicar os pormenores do disco.

Serg estivo acompañado por Xoán Carballo ó teclado, Rebeca Rama á voz e percusión, e Modesto Tajes á guitarra, con Fran Trillo como técnico do escenario, Sonia Amigo, Eva Outes e Rocío Andújar na organización; Leonor Rama, Manuel Outes, Jeni e Lydia no catering; Loly e Lourdes no atrezzo; e Marta Rey na xestión. A todos eles, Serj non pode outra cousa que amosar o seu “inmenso agradecemento” como colaboradores, que fai extensible a todos os espectadores que fixeron unha velada emocionante, non exenta das obrigadas “máxicas imperfeccións que foron aparecendo e que fixeron a gala de presentación inesquecible”.

Xa á venda

Ademais, a gala servíu para vender as primeiras 200 copias. En breve nos confirmará os puntos de venda pero polo de agora podedes pedilos en serj.es e tamén os atoparedes no Celme Café (Vimianzo) e na Peluquería de Loly (Berdoias).

Presentación do vídeo “Costa da Morte”

A presentación do disco traía ademais unha sorpresa, a presentación do vídeo do primeiro single, feito por Xurxo Rodríguez, de Atelier Foto. Nada menos que “Costa da Morte”, un temazo grabado nas nosas fermosas rochas camariñás, no que o artista vimiancés lle canta á súa amada terra.

Aquí o podedes comprobar como lle canta á ”terra do mal e do sol”:

Máis información

• serj.es.
• Bandcamp de Serj.
• Facebook de Serj.

Novas relacionadas

• Velaivén Serj co seu primeiro disco baixo o brazo.
• Serj cántalle á súa Costa da Morte.

Máis novas musiqueiras

• Aos Terbutalina váiselle a pinza.
• Que ningún namorado quede sen poesía con Rosalía Fernández Rial e Serxio Moreira.
• Unha BSO roqueira por e para Carballo.
• A Caverna de Muros dá a alternativa ás novas bandas da zona.
• Grand Soul Band, o grupo de Santa Comba que vai camiño do Azkena Rock.
• A banda costeira The Suffering presenta o seu primeiro proxecto musical.
• Escolma de bandas costeiras – A Axenda Sonora da Costa da Morte segue crecendo.
• O Colectivo Baidlafé demostra o potencial rapeiro da Costa cun novo videoclip.
• Unha historia de Cráneos e Ósos na DeadCoast.
• Serj cántalle á súa Costa da Morte.
• A Costa da Morte en clave de rap co carnotán Yeray Vázquez.
• Os Trapos Sucios, gañadores do Rock in Río Tea.
• Nordés Project. Folk-pop ceense no Musicaula 2014.
• Corcubión bailou a ritmo do Rebumbio.
• Leö KCH: “O Rebumbio é bo para todos. A unión fai a forza”.

Fonte

• Redacción de QPC ([email protected]).