MOSTRA DO PATRIMONIO MATERIAL DA PARROQUIA DE BERDOIAS (XVII)
CONSTRUCIÓNS DE CRÍA E HABITACIÓN DE ANIMAIS:
- OS POMBAIS

Como todo o mundo ben sabe, o pombal é unha arquitectura singular que serve para dar acubillo e cría das pombas. Considerando a escasa rendabilidade das pombas dentro da economía doméstica, a presencia dos pombais, na maioría dos casos, reducíuse a fincas das casas grandes, rectorais, mosteiros, pazos…

Na parroquia de Berdoias hai dous exemplares: O POMBAL DO CARMELO en Berdoias e o POMBAL DE SONIA en Boallo.

Nos dous casos, son construcións adaptadas a terreos empinados, cercanos ás casas-vivenda. Son estes pombais, como acontece na maioría , dous corpos cilíndricos, de base circular, e con portas de pequenas dimensións. No pombal de Boallo a medida do seu diámetro interior-4,23 m- coinciden coa altura dos seus muros. Pola contra, no de Berdoias, máis esbelto, o diámetro interior é de 2,5 m, por 3,70 m o do muro na súa parte máis alta.

En ambos os dous, os muros son de cachotería, e estaban revocados polo exterior con barro caleado, mellor conservados, neste aspecto, os do de Boallo. O hermetismo dos pombais tan só se rompe cunha porta de reducidas dimensións e cos ocos, de entrada e saída das pombas ubicados enriba do beiril no que rematan os muros.

No interior conservan o conxunto contínuo de nichos de pedra para aniñar as pombas, e tan só no de Boallo conserva unha mesa central rectagular onde se depositaba a comida das pombas.

Na actualidade, os dous pombais carecen de cubertas axeitadas, a do de Boallo, que non a ten, sería cuberta de tipo cónico, e a do de Berdoias, provisoria, é de teito a unha vertente, tamén chamado de ferradura.

Pombal de Berdoias

Pombal de Boallo

Interior, nichos do pombal de Berdoias

Interior, nichos do pombal de Boallo

 Pombal de Berdoias, eira e cabazos

Mesa de pedra no interior do pombal de Boallo

TESOUROS DE BERDOIAS

• Tesouros de Berdoias (XVI): Alvarizas.
• Tesouros de Berdoias (XV): As Lacenas de abellas (e II).
• Tesouros de Berdoias (XIV): As lacenas de abellas.
• Tesouros de Berdoias (XIII): Cabazos vellos, cabazos novos. Cabazos pequenos, cabazos longos….
• Tesouros de Berdoias (XII): Os 99 cabazos da parroquia (I).
• Tesouros de Berdoias (XI): Dous fornos na propia casa-vivenda.
• Tesouros de Berdoias (X): Fornos Grandes - Fornos Pequenos.
• Tesouros de Berdoias (IX): Os Fornos:
• Tesouros de Berdoias (VIII): Os Muíños.
• Tesouros da Parroquia de Berdoias (VII): Unha parroquia de 35 Eiras.
• Tesouros da Parroquia de Berdoias (VI): A Eira do Farruquiño no lugar de Boallo.
• Tesouros da Parroquia de Berdoias (V): A Eira do Carmelo.
• Tesouros da Parroquia de Berdoias (IV): A Eira do Buxán, en Santa Cristiña.
• Tesouros da Parroquia de Berdoias (III): A Eira de Rúa e a Eira da Gaia.
• Tesouros da Parroquia de Berdoias (II): A Eira do Sores, en Romar..
• Tesouros da Parroquia de Berdoias (I): A Eira da Rata