Venres. 12.08.2022
El tiempo

Vimianzo quece motores para o Asalto ao Castelo

O PIncho Irmandino do Celme Cafe-Desexo Carnal
"Desexo carnal". Así se chama o Pincho Irmandiño do Celme Café
Vimianzo quece motores para o Asalto ao Castelo

Esta fin de semana hai de todo na Costa da Morte. A Axenda está completa, con paradas obrigadas no Percebe de Corme e no Asalto ao Castelo de Vimianzo.

Paramos hoxe na capital de Soneira para ver como están eses preparativos. Polo de pronto, xa podemos ver como as paredes da zona dos concertos van collendo cor, e como a vila vaise engalando de pendóns e demais atrezos medievais.

Graffiti Asalto ao Castelo de Vimianzo 2022

Ademais, o completísimo Programa xa está en marcha e ao longo da semana xa podedes ir facendo a Ruta dos Pinchos Irmandiños (podes facela descargando a APP), e achegarvos ao Castelo para ver o Museo de Artesanía en vivo e as visitas guiadas e teatralizadas, pero esquecede conseguir entradas para a sempre ateigada Cea Medieval do venres no foxo do castelo.

Pero todos agardamos polo distintivo que fai desta unha festa única: a representación teatral. Este ano, da man de Guillermo Méndez, que volve dirixir unha representación que leva o seu ADN. Este 2022 a a representación irmandiña chámase VIMIANÇUS, e María Queiro nos deixa este avance:

Programa

Queda pensarmos xa no sábado 2 de xullo. Dende as 10:00 estará aberta a X Feira Artesanal na Praza do Concello, con xogos diversos para [email protected] Pola tarde, a partir das 16:30h, Asaltiño, a gran festa para a cativada da zona, e actividades durante toda a tarde. O izado da Bandeira Irmandiña e o Pregón serán ás 19:50,, abrindo xa a serie de concertos cos divertidísimos vigueses Los Jinetes del Trópico, e o pasarrúas cos grupos da casa. Na Praza Castelao volverá haber máis música, e ás 22:00h arrinca o festival con Sés.

Coma sempre, parará a música ás 23:30h para dar paso á representación, que comeza na zona de concertos pero rematará no Castelo. E ao remate da reconquista, máis concertos con Nativa, Talco e Tandub.

Cartel Asalto ao Castelo Vimianzo 2022

NOVAS DO ASALTO 2022

Máis Asaltos

 

comentarios