A entidade ecoloxista ADEGA anunciaba o pasado venres a presentación dunha denuncia ante a Fiscalía de Medio Ambiente de A Coruña contra a Xunta de Galicia, por presunta prevaricación e malversación de fondos. A entidade considera que a a anterior Directora Xeral de Planificación Enerxética e Recursos Naturais, Paula Uría Traba, actualmente Secretaria Xeral de Industria da Xunta, incorrería nestes delitos durante a tramitación do plan industrial asociado á asignación de megavatios para o desenvolvemento dos proxectos eólicos “Campelo” (paralizado cautelarmente polo TSXG) “Lamas de Feás” de Greenalia Wind Power.

Segundo ADEGA, a Xunta accedería a dar por executado o Plan industrial dos dous parques, malia haber un desfase sobre a proposta orixinal aportada en 2010, “o que eximiu á empresa da ex-conselleira Beatriz Mato (despois de absorver á empresa Kaekias Eolica) de ter que pagar preto de 12 millóns de euros á Facenda pública”.

ADEGA considera que este caso crea un “perigoso antecedente” polo que invoca ao Ministerio Fiscal para que investigue ao tempo, anuncia que requirirá á Xunta información sobre o estado de execución dos distintos plans industriais comprometidos no concurso eólico de 2010 pola potencia adxudicada a proxectos eólicos que hoxe en día se atopan en tramitación.

Coto Muíño: novo proxecto

Mentres, a empresa non para. Vén de anuciar que a Xunta somete a información pública o novo P.E. Coto Muíño. Unha instalación de 19,2MW xerada por 4 aereoxeneradores (de 127,5 m de altura de buxe e outros 145 de rotor), situados no concello de Zas.

Novas relacionadas

• O TSXG tamén paraliza cautelarmente o P.E. Bustelo.
• O TSXG paraliza cautelarmente o proxecto eólico do Campelo por “fragmentación irregular”.
• A veciñanza de Mazaricos vence unha batalla contra os eólicos de Villar Mir.

ODAS AS NOVAS SOBRE OS PROXECTOS EÓLICOS

• Xaneiro 22: ADEGA e O FDJCC presentan recursos ante o TSXG contra o megaproxecto eólico de Campelo, Bustelo e Monte Toural.
• Nace a Plataforma "Vendaval" para loitar contra a invasión eólica.
• O Concello de Santa Comba presentará alegacións contra a ubicación do parque eólico Alvite II.
• Europa comprométese a estudar as denuncias contra a marea eólica en Galicia.
• ADEGA e o BNG levan a “invación eólica” a Bruselas.
• 4-12-2021: A Xunta confirma que o 30% de Galicia quedará afectada polos eólicos.
• INFORME: O novo impulso eólico propón máis de 40 novos proxectos na Costa da Morte.