Tres andainas, tres tesouros costeiros
Por fin chega o verán e o sendeirismo segue a ser un dos grandes protagonistas das fins de semana na Costa da Morte. Veciños e visitantes cada vez demandan máis estas saídas que mesturan o deporte de andar co pracer do disfrute do noso meirande tesouro, o patrimonio natural.
Así, esta fin de semana de San Pedro (ollo cas festas que a Axenda Costa da Morte vén cargadiña) temos 3 saídas ben interesantes, por lugares tan espectaculares como a incrible ruta entre Arou e Camariñas, os Penedos de Traba e Pasarela, ou o Monte Pindo.
5ª Etapa do Camiño dos Faros
O Camiño dos Faros xa non ten volta atrás e aí continúa. Este domingo 30 de xuño os trasnos da Costa da Morte farán a quinta etapa que discorre entre Arou e Camariñas na que poida participar todo o mundo. Unha das rutas máis espectaculares de toda a bisbarra, puidendo disfrutar de paraxes como As praias do Trece e o Monte Branco, o Cemiterio dos Ingleses, ou o Cabo Vilán.
A saída será no Bar Vitoria de Camariñas ás 9:00h, dende onde se collerá o bus (cortesía de Autocares Pedro Pombo) ata Atou para comezar a camiñada de 23km.
Lembran os trasnos que "a costa que vai desde Arou a Cabo Vilán é a orixe de todo. Unha serie de naufragios de barcos da mariña inglesa ocorridos entre finais do século XIX e primeiros do XX, con centos de falecidos no Serpent, foron a orixe do nome A Costa dá Morte. E na ruta ímolo a comprobar. Centos de restingas asasinas penétranse nun mar que non dá tregua, un mar que non entende, só traballa..."
Todo, para continuar facendo física a Guía Costa da Morte-O Camiño dos Faros.
Andaina polos Penedos de Traba e Pasarela
Outras das citas da fin de semana será pola única paisaxe protexida da Costa da Morte. Esta Andaina polos Penedos de Traba e Pasarela, artellada polos Concellos de Teo (programa “Pateo”) e Vimianzo (no marco das exitosas “Andainas 2013”) terá lugar o próximo sábado 29 de xuño.
Esta andaina serve de pequena homenaxe a Roberto Mouzo, recentemente falecido. El foi un dos principais defensores dos Penedos e tamén un dos que máis traballou para dalos a coñecer.
Será todo un especialista como Xosé María Lema Suárez o que guiará polas míticas pedras da aguia, cachucha, dama oso, barca, a tartaruga... pero ademais outras "novas", xa descubertas pero que tiñan un acceso moi complicado e gracias aos traballos de mantemento dos últimos tempos poderanse ver, como "O bico" ou "o paiaso triste". Lamentablemente a de Don Manuel queda un pouco lonxe.
Subida ao Pindo
Tamén teremos a posibilidade de realizar unha subida ao Monte Pindo no marco das VII Xornadas de Pesca do Pindo Mariño.
O sábado 29 ás 10:30h, unha expedición, guiada por especialistas, levaranos ata as 18:00h da tarde polo Olimpo Celta. Cómpre levar enseres para comer. E ao remate, ás 19:00h, presentación da antoloxía poética .
Máis información
Novas relacionadas
- O Camiño dos Faros xa non ten volta atrás.
- Unha Andaina dende Vimianzo e Ponteceso ata o Xurés.
- Sendeirismo por aquí e acolá.
- O V Encontro Monte Pindo faranos disfrutar do sendeirismo, historia e gastronomía.
- Natureza, historia e etnografía facendo sendeirismo por Malpica.
- Os camiñantes vertebraron a Costa dende Ponteceso a Camariñas pasando polo Monte Pindo.
- Os camiñantes foron unha fin de semana máis os protagonistas.
- De ruta en ruta polo litoral costeiro.
- O Camiño dos Faros ábrese ao mundo.
- As Andainas invaden a Costa da Morte.
- Coa primavera comezan as citas co sendeirismo.
- 5 Andainas por Ponteceso, Muxía, Vimianzo, Corcubión e Camariñas para coñecer a Costa da Morte a través do sendeirismo.
- Percorrendo a pé, e con Traski, o Camiño dos Faros da Costa da Morte.
- Javier Couto: “O turista cada día é máis esixente, e cada vez pide máis sendeirismo”.
Máis novas
- O primeiro Roteiro Natural do Concello de Malpica cumpre 25 anos.
- Os Camiños do Mar lévannos a Ponteceso.
- Xeocaching: En busca do tesouro agochado.
- Facendo cumio do Roteiro das Peixeiras do Monte Pindo.
- Roteiros homologados na Costa da Morte?.
Fonte
- Redacción de QPC (info@quepasanacosta.gal).
