Xa está en marcha a iniciativa SOS Monte Pindo. O proxecto de voluntariado para recuperar o Monte Pindo tralos arrasadores lumes, arrincaba esta fin de semana con unha trintena de nenos e nenas e os seus monitores e voluntarios.
Aí estiveron, nenos de entre 7 e 16 anos, chegados dende o Centro de Acollida de Bañobre (Miño), mollando as mans, enchéndose de terra para crear vida nun monte esquecido.

Unhas accións recíprocas, pois ademais de axudar á recuperación dun entorno natural, os m.zos aprenden a concienciarse da importancia de coidar o noso medio ambiente. En todo momento estiveron acompados polos membros da Asociación MPPN na que o tempo acompañou. Como anfitrións por parte da Asociación actuaron Xil Caamaño, Sven Schwebsch, Antía Insua e Mario Maceiras, que fixeron de anfitrións e aprendéronlle aos rapaces como prantar as árbores que cedeu CSIC.

O proxecto disgregou en dous equipos, un que comezou a prantar na sementeria de Lamas de Castelo unha ducia de ameneiros, e outros que no Bico do Santo recolleron varios cepellóns de pequenos carballos e loureiros. Pola tarde, tocaba prantar 50 pequenos carballos, mentres os maiores ceibaban sementes de gramíneas coma cebada e herba nas ladeiras máis escarpadas do Rego do Voitureiro, que seguían tan desprovistas de toda vexetación coma se o incendio se extinguise onte mesmo.

Ao fío das 6 e media da tarde, e cando os máis pequechos xa comezaban a acusar o cansanzo, volvían ao autobús que os trouxera desde Miño logo dunha emotiva despedida e aplauso mutuo.

Máis actividades

Así, queda aberto o prazo para inscribirse no programa de voluntariado desta fin de semana no marco do SOS Monte Pindo. Que queira participar nas actividades que se desenvolverán sábado 23 e domingo 24, deben confirmar a súa asistencia escribindo un correo a [email protected]. Ademais, para garantir a cobertura do seguro de accidentes e responsabilidade civil da Asociación Monte Pindo, deben estar previamente inscritos no formulario de inscrición da páxina web sos.montepindo.org.

Máis información

• SOS Monte Pindo.

Novas relacionadas

• Árbores do CSIC para repoboar o Monte Pindo ao tempo que os escolares acoden ao berro SOS.
• O Parque Natural intenta achegarse ao Pindo.
• 01-11-13: Arrinca en Difuntos o proxecto SOS Monte Pindo.
• 30-10-13: O parque natural achegase ao Pindo.
• 25-10-13: As temidas escorrentías arrastran ríos de cinsa polo Monte Pindo abaixo.
• 21-10-2013 O Monte Pindo pide Socorro!.
• Apadriña unha árbore no Monte Pindo.
• 21-10-2013: As cinzas do incendio do Monte Pindo xa contaminan o mar.
• 10-10-13: O Monte Pindo sae do Parlamento como entrou.
• 09-10-13: Pallas ao monte.
• 07-10-13: Os berros do Monte Pindo contra os lumes chegan a Compostela.
• 29-09-13: Medio millar de bravos berran en verde por un Monte Pindo Parque Natural.
• Hermanager Humor: O lume de ouro.
• Leö Kch berra en silencio polo Monte Pindo.
• Unha mirada ao futuro do Monte Pindo. E agora que?.
• Novo berro de auxilio dende Quilmas.
• A AMEGA, en contra da devastación dos nosos montes.
• 18-09-13: Saltan as muxicas da crispación arredor do Monte Pindo.
• 16-09-13: A Comunidade de Montes de Caldebarcos e a Cooperativa de Quilmas alzan a voz dende a terra queimada.
• 15-09-13: Existe unha verdadeira investigación policial sobre o incendio?.
• 14-09-13: Acabou o inferno. Toca traballar na recuperación, reflexionar e investigar.
• 14-09-13: O lume máis devastador chega ao Ézaro mentres o pobo se fractura.
• 13-09-13: Continúan as lapas ameazando o Pindo e ao Ézaro cando chegan as primeiras reflexións.
• 12-09-13: Un incendio arrasa o Monte Pindo e obriga a desaloxar varias aldeas de Carnota.

Fonte

• Monte Pindo Parque Natural.
• Redacción de QPC ([email protected]).