Parece que o perigo máis temido unha vez pasado o incendio xa está tendo consecuencias. As escorrentías xeradas polas chuvias arrastran as cinzas de toda a superficie calcinada do Monte Pindo creando unha seria contaminación no mar. Perigaban zonas marisqueiras como a Berberecheira de Caldebarcos, pero tamén zonas de praia como o Ézaro.

Eefectivamente, esta fin de semana puidemos comprobar como as cinzas xa chegaron ao mar e do mar, coas mareas, ata a praia dumbriesa. As imaxes que nos manda David Trillo Gallego non teñen dúbida, e parece que a técnica do "air mulching", xerada precisamente para evitar estas escorrentías, non está tendo demasiado éxito.

A Asociación Monte Pindo cumpre tres anos

E en blanco e negro cumple a Asociación Monte Pindo Parque Natural loitando para que o macizo granítico se convirta no primeiro parque natural da Costa da Morte e no sétimo do noso país.

Un longo traballo da asociación, con media ducia de charlas informativas, unha decena de iniciativas de voluntariado para limpar e recuperar camiños abandonados, recollida de toponimia e tradición oral, investigación histórica e patrimonial, a investigación da bioloxía coa creación dun Catálogo de Especies do Monte Pindo que conseguiu inventariar 646 especies antes do incendio, e mesmo grandes Simposium monográficos ou Xornadas de Historia e Patrimonio, e un longo etcétera.

E malia recoñecer que as "relacións coa Xunta están completamente rotas", aseguran que van seguir loitando". Por iso está a preparar un programa de voluntariado a gran escala para recuperar o Olimpo Celta, e vai seguir organizando charlas para que a veciñanza se siga implicando nos proxectos que existen para converter un monte hoxe abandonado nun monte coidado, produtivo e que cree postos de traballo e mellore a calidade de vida.

A seguinte será o próximo sábado 9 de novembro ás 17:00 horas no Colexio do Pindo.

Novas relacionadas

• Apadriña unha árbore no Monte Pindo.
• 10-10-13: O Monte Pindo sae do Parlamento como entrou.
• 09-10-13: Pallas ao monte.
• 07-10-13: Os berros do Monte Pindo contra os lumes chegan a Compostela.
• 29-09-13: Medio millar de bravos berran en verde por un Monte Pindo Parque Natural.
• Hermanager Humor: O lume de ouro.
• Leö Kch berra en silencio polo Monte Pindo.
• Unha mirada ao futuro do Monte Pindo. E agora que?.
• Novo berro de auxilio dende Quilmas.
• A AMEGA, en contra da devastación dos nosos montes.
• 18-09-13: Saltan as muxicas da crispación arredor do Monte Pindo.
• 16-09-13: A Comunidade de Montes de Caldebarcos e a Cooperativa de Quilmas alzan a voz dende a terra queimada.
• 15-09-13: Existe unha verdadeira investigación policial sobre o incendio?.
• 14-09-13: Acabou o inferno. Toca traballar na recuperación, reflexionar e investigar.
• 14-09-13: O lume máis devastador chega ao Ézaro mentres o pobo se fractura.
• 13-09-13: Continúan as lapas ameazando o Pindo e ao Ézaro cando chegan as primeiras reflexións.
• 12-09-13: Un incendio arrasa o Monte Pindo e obriga a desaloxar varias aldeas de Carnota.

Fonte

• Redacción de QPC ([email protected]).