Xoves. 19.09.2019
El tiempo

Traballadores de Ferroatlántica maniféstanse contra a posible “segregación encuberta” das fábricas e as centrais

Concentración convocada polo Comité esta tarde de venres ás portas de Ferroatlántica
Concentración convocada polo Comité esta tarde de venres ás portas de Ferroatlántica
Traballadores de Ferroatlántica maniféstanse contra a posible “segregación encuberta” das fábricas e as centrais

Os movementos das últimas semanas da dirección de Ferroglobe fai que os traballadores do grupo desconfíen dunha posible venda, a Ferrovial, das fábricas de ferroaliaxes e das centrais hidroeléctricas, para realugar a explotación das fábricas á propia empresa. Un proceso que non sería outra cousa que unha segregación encuberta (rexeitada pola propia Xunta), que acabaría provocando ao peche das fábricas, pois todo o mundo recoñece que as fábricas son rendibles gracias ás centrais.

Nesa situación, a mobilización entre os sindicatos continúa, e esta mesma tarde traballadores/as de Ferroatlántica concentráronse diante da fábrica de Brens contra "os especuladores" da enerxía e na defensa do futuro industrial da comarca.

A protesta, convocada polo comité, chega logo dos últimos movementos que se están a detectar no complexo industrial e nas centrais, até onde se trasladou persoal de Ferrovial hai unhas semanas para recompilar información. Esta visita dunha empresa que xa anunciou publicamente o seu interese por adquirir os saltos de auga, confirma que o Grupo Villar Mir teima na venta da centrais e pretende consumar unha segregación encuberta, pois Ferrovial, sen relación co mundo das ferroaliaxes, só estaría interesada no negocio da produción eléctrica.

O Comité esixe a Xunta que se manteña vixiante e que evite esa posible segregación encuberta, ao tempo que lamenta a desinformación que sofren os traballadores por parte dunha dirección que aínda tampouco executou o ERTE, e que mantén dous fornos parados.

Novas do co conflito #Ferroatlántica

Comentarios