COVID: "Vasos comunicantes" de norte a sur

O IESP Pedra da Aguia suma novos 18 positivos tralo cribado realizado durante a ponte (93 probas PCRs en total).

Videoconferencia cos alcaldes de Bergantinos-Soneira e Fisterra — Videoconferencia da Consellería de Sanidade cos alcaldes de Bergantiños, Soneira e Fisterra

13:47 10/12/20

Este mércores, os alcaldes e alcaldesas dos concellos de Bergantiños, Soneira e Fisterra con restricións de mobilidade, mantiveron un novo encontro telemático con responsables da Consellería de Sanidade. As cifras refrendan a “boa evolución” dos datos tanto en Bergantiños e no concello de Vimianzo, pero non tanto no perímetro formado por Muxía, Dumbría e Cee.

Deste xeito, non hai cambios nas restricións, se ben este venres ou o martes que vén (no último Comité Clínico do ano) podería haber novidades.

”Vasos comunicantes”

Semella que a evolución da pandemia percorre a comarca de norte a sur. Así o entende o alcalde de Dumbría, José Manuel Pequeño, que parece que hai “vasos comunicantes”. “É certo que en Dumbría, a poboación desprázase moito a outras zonas por motivos de traballo, de saude… Por iso seguro que hai máis casos dos que se din, porque tamén moita xente rexstrada no Centro de Saúde da Picota, de Vimianzo…”, explica. Pero pregúntase “como é que non pasou nada en todo o verán, e agora que quedamos sós temos este repunte”.

O que si ten claro é que “o peche perimetral é un fracaso, porque está incitando á mocidade a moverse dun lado a outro. Cando che pechan un concello, a xente se despraza aos bares do concellos onde están aberto”.

Pequeño aproveita para lamentar a falta de información que reciben os alcaldes en todos estes 8 meses de pandemia. “Non sabes como tes que actuar, por exemplo, se tes varios núcleos non tes nin idea de onde están os gromos”.

As cifras

As cifras globais da comarca seguen amosando unha tendencia á baixa do impacto do Covid, pero fundamentalmente pola caída na comarca de Bergantiños. Na última semana a comarca bergantiñá baixou de 265 novos casos nos últimos 14 días a 146; provocando a caída na taxa de incidencia acumulada de 387 a 201 casos por cada 100.000 habitantes.

Pero agora preocupan casos como Camariñas, cun pequeno gromo no IES ou Zas, que superan os 400 casos por cada 100.000 habitantes. Mazaricos rexistra hoxe a taxa máis alta.

A día de hoxe só hai 3 hospitalizados no HVdX.

Ensino

Baixa lixeiramente a cifra de casos totais nos centros de ensino da comarca, pero cada vez son máis zonas afectadas. Preocupa o caso do IESP Pedra da Aguia da Ponte, unha vez que o cribado, tras realizar 93 probas PCRs, determinaron 18 novos casos positivos, e 4 aulas pechadas.

Concello	Centro	Total Positivos	Aulas Pechadas
CABANA	E.I Municipal A Casa dos Títeres	1	1
CABANA	CPI As Revoltas	1	0
CEE	E.I. Municipal Vila da Xunqueira	1	1
CAMARIÑAS	IES Plurilingüe Pedra da Aguia	18	4
CAMARIÑAS	CEIP O Areal	1	0
CARBALLO	CEPPR Aspaber	1	0
CARBALLO	CEIP Bergantiños	2	0
CARBALLO	CEIP Fogar	3	0
CARBALLO	CEIP Plurilingüe A Cristina	1	0
CARBALLO	CRA Ponte da Pedra	1	0
CARBALLO	IES Isidro Parga Pondal	2	0
CEE	CPR Manuela Rial	1	0
CEE	CEIP Plurilingüe Eugenio López	3	0
CEE	IES Fernando Blanco	2	0
CEE	IES Agra Raices	1	0
CORISTANCO	CPI Alcalde Xosé Pichel	2	0
FISTERRA	CPR Ntra.Sra. del Carmen	3	0
FISTERRA	IES Fin do Camiño	2	0
CARNOTA	CEIP Plurilingüe de Carnota	2	0
MALPICA	CEIP Joaquín Rodríguez Otero	1	0
MAZARICOS	CPI Plurilingüe da Picota	2	0
MUXÍA	CEIP de Vilarmide-Eduardo Noya	1	0
MUXÍA	IES Ramón Caamaño	1	0
MUXÍA	CEIP Virxe da Barca	5	0
MUXÍA	CEIP Os Muíños	4	0
MUXÍA	CEIP Luís Seoane	1	0
PONTECESO	IES Eduardo Pondal	4	0
PONTECESO	CEIP Eduardo Pondal	1	0
SANTA COMBA	CEIP Plurilingüe Barrié de la Maza	3	0
SANTA COMBA	IES Terra de Xallas	7	0
VIMIANZO	IES Terra de Soneira	1	0
ZAS	CEIP Labarta Pose	1	0
ZAS	CPI de Zas	1	0
ZAS	IES Maximino Romero de Lema	1	0
TOTAL		79	6