Despois de criticar con dureza, o ERTE presentado pola dirección de XEAL (ERTE asinado en Madrid, non no centro de traballo, hai 11 meses; e que estaría vixente dende este 24 de setembro ata febreiro de 2021), o Comité de Empresa convocaba sendas asemblea de traballadores.

A decisión foi retomar as mobilizacións que xa teñen un calendario:

• Luns 21, concentración diante da fábrica de Brens (Cee), ás 14:15 horas.
• Mércores 23, concentración diante do Concello de Cee, ás 19:00 horas.
• Xoves 24, concentración nas centrais hidroeléctricas, ás 19:00 horas.

Reunión ca xunta

A asemblea tamén solicita reunións coa consellarías de Economía e Industria e coa consellaría de Emprego e Igualdade, para abordar a crítica situación das fábricas e esixir unha intervención inmediata da Xunta para esixir o plan de viabilidade.

NOVAS DO CONFLITO #FERROATLÁNTICA

• 17-09-2020: Os sindicatos critican o ERTE de XEAL e acusan á empresa de "facer inviable o centro de traballo" para conseguir a segregación.
• 17-09-2020: XEAL estende o ERTE ata febreiro de 2021.
• Xullo 2020: Os traballadores de XEAL volveron á rúa.
• Xullo 2020: Rematou o ERTE de XEAL pero a actividade productiva dás ferroaliaxes é inferior ao 8% da súa capacidade .
• 15-05-2020: O Comité demanda o ERTE de XEAL por consideralo “fraudulento”.
• 22-04-2020: O comité rexeita o ERTE de XEAL por consideralo "fraudulento”.
• 13-04-20: O Comité de XEAL pide aos alcaldes compromiso ante o ERTE.
• O Comité de XEAL denuncia que a dirección mantén traballando persoal de grupos de risco.
• 10-03-2020: XEAL explicou, cos traballadores na rúa, o seu plan de futuro aos rexedores da comarca.
• 05-03-2020: O comité de Ferroatlántica pídelle implicación real aos alcaldes e alcaldesas da comarca.
• 02-03-2020: O persoal de Ferroatlantica mantén o calendario de mobilizacións contra o desmantelamento das fábricas.
• 20-02-2020: O Comité de Ferroatlántica considera un acto progapandístico o cambio de nome.
• Febreiro 2020: Ferroatlántica ata cambia de nome.
• Febreiro 2020: Os traballadores de Ferroatlántica volveron concentrarse ás portas da fábrica de Brens.
• Febreiro 2020: As fábricas de Ferroatlántica están ao 30% da súa capacidade de fabricación.
• 02-02-2020: Unha nova concentración baixo a auga con triple obxectivo.
• Xaneiro 2020: 17 novos despedimentos caldean o amibiente para a nova concentración dos traballadores de Ferroatlántica.
• Xaneiro 2020: Os Traballadores de Ferroatlántica volven á rúa este venres.
• Xaneiro 2020: Traballadores de Ferroatlántica viaxaron a Madrid á manifestación polo estatuto da Industria Electrointensivs.
• Decembro 2019: Ferroatlántica avisa de que o resultado da poxa enerxética pode provocar unha baixada da produción.
• Decembro 19: Ferroatlántica reclama unha tarifa eléctrica competitiva para as industrias electrointensivas.
• Novembro 2019: Poucas variacións no Comité tralas eleccións sindicais de Ferroatlántica de Cee-Dumbría-CCHH.