Xa remataron as 1ª e 2ª Autonómica, e con elas xa temos os primeiros pichichis da temporada, aos que premiaremos na II Gala do Fútbol da Costa - QPC que celebraremos o vindeiro venres 26 de xuño na Casa da Cultura de Cee, seguindo o éxito da gala do ano pasado.

E para contabilizar os goleadores, facémolo cos datos de Luís Porto, pois sabemos de boa tinta que os ten moito máis acertados e realistas que as actas, pois cada luns, ponse en contacto con nós, e fai unha revisión entre a acta e as crónicas de QPC, e nos pide que comprobemos cos adestradores quen foron os autores no caso de incongruencias.

Alejo, pichichi costeiro da 1ª

Así, na 1ª Autonómica, Alejo, o dianteiro do Corme queda pichichi dos equipos costeiros e de toda a categoría cos seus 21 goles, tomando o relevo do malpicán Óscar Suárez, máximo goleador do ano pasado. Moito máis atrás, Cololo (Malpica) e Raúl (Sofán), e pichichi da Liga da Costa o ano pasado), con 15 tantos, e MC (Baio), con 14. Na parte alta da táboa atopamos tamén a Róber Pladur (Esteirana) con 10, e aos soneiráns Javi (9) e Basti (8), ademais do sofanista Iván Rojo.

Cómpre destacar o nivelón dos nosos dianteiros, pois se Alejo foi o máximo goleador de toda a categoría, Cololo e Raúl quedan empatados na 3ª praza, e MC ocupa o 5º posto.

Piti, eterno pistoleiro da 2ª

Non falla este Piti, que remata esta Liga, aos seus 39 anos, con máis dun gol por partido. 34 tantos nesta temporada 2014-2015 para o muradán ca camisola laranxa do Volantes, que dan conta da súa calidade, nun ano no que ademais foi protagonista por unha demostración de xogo limpo que quedará para os anais da historia do noso deporte, mesmo foi premiada polo rival.

O podio de goleadores é completado por Javi Suárez, un xogador doutra categoría que marcou 27 goles nun Baíñas que aspiraba a algo máis. E Yuyo, o camariñán que pode considerarse unha das revelacións da temporada, pois nun equipo que foi de menos a máis sumou a tremenda cifra de 25 goles. Juni, con 23 para o San Lorenzo, tamén está por aí, e hai que salientar a dupla máis importante do curso, David Blanco e Álex Flores, con 36 goles entre ambos, que esperamos que axuden, xunto a Rubio, que completa un tridente brutal, no ascenso do Zas.

Crónicas da semana

• Félix non seguirá no Baio para a próxima xornada.
• O Zas non se rende e xa ten rivais para a Fase de Ascenso.
• Rivais para os nosos 5 equipos das Fases de Ascenso ás Ligas Galegas.
• 3ª Autonómica: Ameixenda e Coristanco manteñen o pulso e o Nantón dalle a volta á tortilla.
• 2ª Autonómica: O Outes faise co título da Liga da Costa nunha tarde de verdadeiro infarto.
• 1ª Autonómica: Soso final.
• Preferente: Un punto de ouro en Sarria permite ao XSC depender de si mesmo.
• O Outes proclámase Campión da Liga da Costa nunha espectacular última xornada de carrusel.

Primeiros títulos colleitados

• XSC e Cee disfrutan dos títulos de Campións da Copa da Costa.
• O Dumbría sofre pero supera á Esteirana e tamén gaña a Copa da Costa Xuvenil.
• Un título de Prebenxamíns con dous gañadores.
• Veteranos: O San Román róuballe o título ao Coristanco no último suspiro.
• Os Benxamíns agrandan o mito da eterna canteira fisterrá.
• O XSC celebrou o título Infantil e buscará o ascenso á Liga Galega.
• O Corme festexa o título Cadete e o Cabana a Fase de Ascenso.

Máis información

• www.copadacosta.com.
• Descargar a APP do Fútbol da Costa.
• Facebook do Fútbol da Costa.
• www.futboldacosta.com.

Fonte

• Redacción de QPC ([email protected]).