Segunda semana de outubro e seguimos cargados de fútbol costeiro. E aproveitamos o parte costeiro dos compañeiros 4gotas, que, coma sempre, nos envían este parte específico para a nosa bisbarra:
O venres non se agarda chuvia na Costa. Como moito un chaparrón ao final da mañá entre Fisterra e Muros. O sábado xa será outra cousa.
Agardamos chaparróns na mañá nese litoral, afectando tamén ao interior (zonas como Dumbría ou Mazaricos). A partir do mediodía do sábado achegarase unha pequena borrasca a Galicia e as chuvias chegarán a toda a Costa da Morte.
Seguirán o domingo, e malia que non choverá seguido, acumularán bastante auga. As temperaturas frescas. Con máximas entre os 18 e 20 graos toda a finde.

Xornada completa

Comezamos o repaso deportivo pola 7ª xornada da Preferente - Senra Sport, na que os nosos queren volver á senda da vitoria. O XSC recibe en Fontenla a un Residencia que ten un punto máis que xalleiros e dumbrieses, mentres estes xogan un novo partido fóra de casa ante un Viveiro algo máis dubidoso que o ano pasado.

O choque máis intenso da xornada volverá disputarse nesta 1ª Autonómica - Clínica Vértebra liderada por 3 conxuntos costeiros. E o fai con outro derbi, entre un Sofán espectacular neste arranque comprobará si é real a reacción do Soneira, nun choque de emocións no Municipal vimiancés. Ademais, o outro foco de atención da xornada estará en Bertamiráns, onde o Malpica viaxará pendente das novidades na dirección técnica, despois dunha convulsa semana nos vestiarios.
Polo demais, partido clave para a Esteirana, que necesita gañar si ou si ante un Piloño que será rival directo na loita por evitar o descenso. Pola contra, Corme e Baio viaxan á Pobra e Padrón para intentar manter o liderato compartido.

Xa na Liga da Costa, a 2ª Autonómica - ES Bazarra, teremos tamén choques intensos. Os líderes, Castriz e Zas, terán que superar a Porteño e Buño respectivamente para seguir no máis alto. Por abaixo, o Camelle quere estrear o taboleiro de puntos xa con novas altas, ante un Carnota que colleitaba a súa primeira vitoria a semana pasada. Ademais, o Montelouro quere seguir sumando ante o Seaia.

Descansa o líder da 3ª Autonómica - Clínica Xunqueira, o Lira, e o imbatido Ameixenda buscará auparse ao liderato, no que . será o encontro máis especial os de Manolín reciben aos ex do eterno mito do fútbol costeiro, un Corcubión irregular que tamén pode alcanza ao líder se vence no san Paio de Refoxos. Ademais, Nantón e Coristanco buscarán afianzar a súa posición.

Buscará o XSC manter o liderato do Liga Xuvenil Sur - MáisDeporte no derbi ante o Castriz, pero terá o ollo posto en Esteiro, onde o Dumbría terá que pasar outra proba de lume e ver se recupera o seu xogo.
Mentres, polo Norte, o partidazo será entre as dúas sorpresas deste comezo de campaña: o líder Coristanco recibe a un Camariñas tremendo. Ademais, o Cabana quere recuperar o liderato ante o Zas, e o Corme non quere descolgarse, vencendo a un Laxe cun só punto.

Necesitan gañar si ou si os equipos costeiros nas Ligas Autonómicas - Aluminios Dumbría apoiados polas súas afeccións.

Se en Cadetes o XSC quere manter o liderato, na 1ª Infantil segue reinando a igualdade con 6 equipos nun só punto.

Ademais, Nos Veteranos, cos dous equipos novos no liderato, terá unha nova xornada intensa.

Preferente - Senra Sport, xornada 7

1ª Autonómica - Clínica Vértebra, xornada 6

2ª Autonómica - ES Bazarra, xornada 6

3ª Autonómica - Clínica Xunqueira, xornada 6

• Descansa Lira.

Liga Xuvenil Sur, Gr.2 - MáisDeporte, xornada 6

Liga Xuvenil Norte, G.3 - MáisDeporte, xornada 6

División de Honra Cadete - Aluminios Dumbría, xornada 5

Liga Galega Cadete, xornada 5

Liga Galega Infantil - Aluminios Dumbría, xornada 5

1ª Cadete, xornada 5

• Descansa Muxía.

1ª Infantil, xornada 5

• Descansa Cee.

Ligas de Veteranos, 1ª División, xornada 5

• Descansa Castriz.

Ligas de Veteranos, 2ª División, xornada 5

• Descansa Buño.

Máis información

• Descargar a APP do Fútbol da Costa.
• Altas e Baixas do #FútboldaCosta 2014/2015.
• Facebook do Fútbol da Costa.
• www.futboldacosta.com.

Crónicas da semana

• Veteranos: O Hosgran e o San Isidro-Razo mantéñense intratables.
• Infantís: 6 equipos nun só punto.
• Xuvenís: Sen dominadores.
• Ligas Galegas: Merecemos máis.
• 3ª Autonómica: O Lira non cede e tira de fortuna.
• 2ª Autonómica: Só Castriz e Zas dan un paso.
• 1ª Autonómica: Trío de cabeza con susto.
• Preferente: Para esquecer.
• Resultados e crónica da primeira fin de semana de outubro no Fútbol da Costa.

Novas relacionadas

• A Escola de Tecnificación do At. Madrid volve abrir as súas portas.
• Última e urxente chamada para o Curso de Adestradores de Carballo.
• Os clubs poden cambiar os horarios nas categorias inferiores sen avisar ao rival.
• Lista dos pichichis da Costa.

Fonte

• Redacción de QPC (info@quepasanacosta.gal).