Cal é o segredo deste Outes?

Deportes 2ª Galicia

08:54 23/10/13

A familia do Outes sacando as fotos do Album da Costa con Jorge Parri

Xa van 7 vitorias consecutivas deste sorprendente Outes. Manu Roque ten armado un bloque tremendamente sólido que, ademais, non renuncia a xogar o balón con criterio. Cunha media de idade de tan só 23 anos, unha marea de rapaces de apenas 20 combinan de luxo cos máis veteranos como Gato, Chúa, Arturo ou Kin. Xa non hai titulares entre os de sempre, i é que esta mocidade chega con moitísima forza.

Pero cal é o segredo deste equipo? "5 anos anos adestrando sen parada 3 días á semana", asegura con rotundidade Roque. "Ata en ano novo téñolles feito vir adestrar", recoñece con algo de sarna. "Pero ese día foi mérito deles, e aí souben que pode que non iamos gañar moitísimos partidos, pero que iamos estar moi a gusto fijo/cite>".

I é que poucos equipos poden presumir de poder adestrar 3 días á semana. A meirande parte adestran o venres, e gracias, pois boa parte do plantel vive fóra e só poden volver á fin de semana á casa.

Aí radica o segredo deste Outes, queen 7 partidos leva 26 goles a favor, o equipo máis goleador da Liga da Costa, e 8 en contra, só por detrás de Zas e Castriz. Ademais, Piki, coñecido noutros equipos como Isma Pedrosa, é o segundo máximo goleador da categoría con 7 tantos, só por detrás de Mané que leva 9.

Seguiremos atentos a este equipo, que se cola entre os numerosos favoritos que temos, a priori, este ano na Liga da Costa. Polo de pronto, Cee, Sofán, Fisterra, Zas, Castriz ou Corme se manteñen á espectativa e non permitirán erros no cadro da Serra.