Non para o #FútboldaCosta: Axenda para unha fin de semana moi copeira

Deportes Fútbol da Costa

09:02 15/05/15

Os choques da Terceira tamen son protagonistas

Non para o fútbol da Costa. Rematou a Liga da Costa cun final tremendamente emocional, pero seguen varias competicións ligueiras, e ademais, volve a Copa da Costa. Imos repasando por categorías, arrincando pola competición copeira, e un dos torneos máis esperados do verán, o Campionato de Barrios de Esteiro.

Ademais, unha cita interesante con unha nova presentación do libro "50 anos da historia do Fútbol da Costa" para o sábado 16 de maio, ás 13 horas, presentaremos na Librería Brañas (Gran Vía) de Carballo.

Retomamos a Copa

Domingo copeiro teremos para esta ida dos Oitavos. Uns Oitavos que teñen varias eliminatorias ben fermosas, como o San Lorenzo-Corme, ou o Baio-XSC (o cadro baiés despois de anunciar que Félix non seguirá o ano que vén), posiblemente as dúas máis potentes, pero que nos deixarán tamén uns fermosos choques entre Sofán, que aposta moito pola Copa, e Buño; un Castriz-Cee ou un Carnota-Camariñas.
Xa se demostrou nos Dezaseisavos que os equipos da Preferente non teñan a Copa gañada, e Ameixenda e Castrelo queren demostralo dando a sorpresa dende a 3ª. O Ameixenda terá derbi co Fisterra, e o Castrelo enfrontarase a un Zas, que despois de perdela Liga no último segundo, afronta con ilusión a Fase de Ascenso á 1ª Autonómica, o gran obxectivo. En todo caso, este domingo arrinca e ao cadro zasense tócalle descansar.

O XSC, ca auga ao pescozo na Preferente, con Doro como míster

Doro a alma deste XSC dando unhas emotivas palabras na recepcion oficial-Foto-Jorge Parri

Penúltima xornada na Preferente - Senra Sport e se o Dumbría non se xoga nada, o XSC non pode sumar outra cousa que non sexa a vitoria. E o fará con Doro como novo adestrador. O alma máter deste equipo, lesionado dende hai mes e medio, toma o relevo tras unha xornada con Juan Lois á fronte trala destitución de Coméndez.
Visita Fontenla o pechacancelas Dorneda, e o equipo, aínda en postos de descenso, necesita pegar un salto e esperar a ver que fan o Residencia ate o Mugardos, en plena loita polo ascenso directo; e O Val e Sarriana, que se enfrontan nun duelo directo. Os 4 equipos, nunha marxe de 2 puntos, co cadro xalleiro no medio e medio, teñen que evitar as dúas prazas de arrastre que chegan dende a 3ª División.

Dúas loitas moi abertas na 3ª Autonómica

Quedan tamén 2 xornadas para o final da 3ª Autonómica - Clínica Xunqueira, e co título decidido aínda queda moito en xogo. Por arriba, Ameixenda e Coristanco xóganse o ascenso directo a unha baza, na Finalísima deste sábado na Rocheira entre ambos, e o que gañe terá medio ascenso feito. O que non, terá que ir á Promoción, na que Corcubión, Muxía, Nantón e Lira seguen pelexando polas 3 prazas restantes. Descansa o Nantón, polo que o Lira, se vence ao xa relaxado Cerqueda, pode volver a superalo e meterse nas prazas. Mentres, o Corcubión se gaña aseguraría praza, a pesar de descansar a semana que vén, e o Muxía tamén está a 3 puntos, que pode conseguir ante o Castrelo, de asegurala Promoción.

Fases de Ascenso ás Ligas Galegas

Comezan esta fin de semana os campións costeiros as Fases de Ascenso ás Ligas Galegas Xuvenil, Cadete e Infantil. Os segundos clasificados (Miúdos en Xuvenís e Cabana en Cadetes) terán que esperar unha semana, pero os Dumbría xuv., Corme cad. e XSC inf. teñen doble partido, venres e domingo. Eliminatorias complicadas para os nosos ante Cerceda, Rayo Sadense e Montañeros respectivamente.

Os tras parten con moitas opcións e necesitarán da súa afección para levar máis equipos á categoría autonómica, despois dos descensos de XSC cadete e Dumbría infantil.

Continúan no Norte co F8

Se ben os campións do Sur esperan aos as Fases Finais galegas de F8 para o sábado 23, polo Norte seguen ca súa liga, con aínda 4 xornadas por diante. Cabana e Corme pelexan en Alevíns e Muxía e Cabana eos propios cormeláns en Benxamíns, se ben todos buscan as 4 prazas que dan acceso á Copa de F8 do Conchido.