Só foi o Concello de Zas Aquacenit o que conseguiu algo positivo nesta xornada, nun encontro que se xogou o domingo pola mañá. O equipo zasense conseguía unha vitoria que o mantén no máis alto da 1ª División Galega con 8 vitorias e unha soa derrota.
Na outra punta da táboa, de pechacancelas mantense o Concello de Zas O Gaiteiro, que esta semana a piques estivo de darnos unha gran alegría.

E se en 3ª Nacional o Anorthosis non xogaba, mala xornada para os nosos na 2ª Galega, onde colleitaron 3 derrotas. O Pinar mantense nunha cómoda 6ª praza pero o Construcciones Cernadas segue sen coñecer a vitoria tras 9 partidos e pecha a clasificación.

Ademais, a familia enteira estivo de estrea da nova equipación esta fin de semana!

3ª División Nacional, Grupo Norte

En 3ª nacional masculina o Anorthosis Vimianzo non tivo encontro pero mantense no mesmo lugar na clasificación, a 8ª praza con 4 vitorias e 5 derrotas, aínda con 4 puntos sobre os postos de descenso.

1ª División Galega Grupo Centro

• Resultado: Giusseppe Anthony - Concello de Zas O Gaiteiro 4 - 3 (17-14).
• Resultado: Cafetería Lareka Autosisán - Concello de Zas O Gaiteiro 5 - 2 (19 - 10).
• Resultado: CTM Lalín "B" - Concello de Zas Aquacenit 2 - 5 (9-18).

Boa vitoria do Aquacenit, no que novo volveu a relaxación despois de ter o encontro encarrilado e de aí eses dous partidos perdidos por Miguel e Chris Roy. Neste caso xa se gañaba 4-0, co cal non había problema. A destacar a camaradería entre todos e a estrea da nova equipación conxunta para todos os equipos do clube Anorthosis.

2ª División Galega Grupo Centro

• Resultado: Construciones Cernadas - AD Dubratambre 0 - 7 (0-21).
• Resultado: Construcciones Cernadas - Liceo Casino Xuvenil 0 - 7 (0-21).
• Resultado: Concello de Zas O Pinar - Liceo Casino Xuvenil 2 - 5 ( 9-18).

Quizais o máis destacado sucedese o sábado en Ribadumia donde o Concello de Zas O Gaiteiro a punto estivo de dar unha doble sorpresa, pois faltou moi pouco para gañar os dous encontros. Quizais a baixa de Fran (o veterano do equipo) fose decisiva para conquerilo. Pero todos teñen que estar contentos de como xogaron e de como un pode disfrutar do deporte aínda que (e doe) perda. Moi ben Martín Pérez (gañolle a Antonio Vizoso e este gañaralle a Stevo, eu, e a outros con nombre nesta liga) sobre todo nos dobres facendo parella con Andrés Bouzas. Quen diria que aquel Martín que empezou na liga intermunicipal ía chegar a este nivel tan rápido. Está empezando pero con moita forza e sobre todo ánimo.

Outro punto positivo da xornada ocurriu en Zas donde os de 2ª Galega quedaron sós para disputar os encontros como locais e sacaron moi boa nota na organización e control dos encontros celebrados. Aquí cómpre destacar a Jesús Ferreiro (Chiqui) que aparte de gañar os seus partidos foi o encargado de que todo saise ben. Co cal están contentos ao saber que o relevo está preparado.

Máis información

• Clasificación 3ª División Nacional Masculina Norte 2013-2014.
• Clasificación 1ª División Galega Centro 2013-2014.
• Clasificación 2ª División Galega Centro 2013-2014.

Novas relacionadas

• O Aquacenit mantense no máis alto.
• Dúas vitorias alonxan ao Anorthosis da zona de perigo.
• O Anorthosis non pode despistarse e o Aquacenit apunta alto.
• O Concello de Zas Aquacenit ponse líder na 1ª Galega.
• O Anorthosis non vai de “cenicienta”.
• Nova xornada completa de tenis de mesa nun ateigado pavillón de Zas.
• O Anorthosis terá unha longa tempada na 3ª Nacional.
• O tenis de mesa costeiro estrea campaña con vitoria.
• O Anorthosis comeza unha nova campaña con 6 equipos en liza.
• A Costa xa ten o seu torneo galego de tenis de mesa.
• Gran participación dos zaenses nos Provincias de tenis de mesa.
• O tenis de mesa pechou unha exitosa I Liga Intermunicipal cun gran ambiente e vitorias corcubionesas.
• O Anorthosis Vimianzo é novo equipo de 1ª División Galega de tenis de mesa.
• A campiona Galega benxamín de tenis de mesa chámase Lorena e é de Zas.

Fonte

• Nota de prensa de Estevo Lema.