Martes. 19.03.2024
El tiempo

O Cee Prebenxamín, Premio Abdoulaye ao Fútbol Base na Gala do Fútbol da Costa

UC Cee Prebenxamin Premio Abdoulaye
Arriba (de esquerda a dereita): Marina Andrade, Vega Cives, Lucía Rodríguez, Martina Allo, Yarelis Picallo, Itziar Trillo e Rubén. Abaixo: Alicia Ruano, Emma López, Clara Louzán, Nadia Louzán, Paula Louzán e Sofía Calo
O Cee Prebenxamín, Premio Abdoulaye ao Fútbol Base na Gala do Fútbol da Costa

A revolución do #FutFem na Costa da Morte lévase anos cocendo a lume lento. Aqueles pioneiros proxectos do Bergan e das Miúdas, tan valiosas por ser as que romperon o xeo, chegando a formar parte do álbum de cromos sénior daquela campaña 2018/2019. E co remate da pandemia, demos un salto tremendo, coa aparición do Mazaricos, Cerqueda, Xallas… ou a fantástica proposta da Escola de Fútbol Base Feminino do CF Dumbría.

Pero nesta VII Gala do Fútbol da Costa - QPC queremos destacar un feito histórico, que fala ás claras de que a revolución do #FUTFEM chegou para quedar. Un fito que ademais implica a súa naturalización, implica a convivencia total entre nenos e nenas sobre un campo de fútbol.

Falamos do equipo de Prebenxamíns do Unión Club Cee, un equipo composto unicamente por nenas que compite nunha liga maioritariamente de nenos. por Marina Andrade, Vega Cives, Lucía Rodríguez, Martina Allo, Yarelis Picallo, Itziar Trillo, Alicia Ruano, Emma López, Clara Louzán, Nadia Louzán, Paula Louzán e Sofía Calo.

Ás ordes de Rubén non paran de aprender e disfrutar deste deporte, sorteando algún que outro comentario cavernícola, pero sobre todo, demostrando que é posible vivir en completa igualdade.

Parabéns por ese V Premio Abdoulaye ao Fútbol Base, facendo valer a lembranza daquel rapaz muxián que nos deixou prematuramente sobre un campo de fútbol.

 

Gala 2022

Repaso das Galas

Comentarios