Venres. 20.05.2022
El tiempo

FSF: O Fisober afianza a 4ª praza e o Amarelle Santa Comba conta as horas para a visita do líder

lucía canosa co Fisober
Lucía Canosa no choque do Fisober
FSF: O Fisober afianza a 4ª praza e o Amarelle Santa Comba conta as horas para a visita do líder

O Fisober levouse o triunfo nunha tarde sabatina no Conco chea de goles e de minutos para todas as xogadoras. Unha vitoria para afianzar a 4ª praza.

Pola súa conta, o Amarelle Santa Comba, dirixido por Nacho Tuñas e auxiliado por Sergio Vieites, iniciaba a segunda volta da Liga Regular A cunha vitoria na Pastoriza, colleitada no treito final dun igualado partido, gracias aos goles de Nuria (2), Elsa e a costeira Eva Lema.
Pensan xa as xalleiras na visita do líder do grupo, e único rival ao que as xalleiras non puideron impoñerse, o Praias de Barreiros CD.

Preferente, xornada 27

  • Resultado: FISOBER FSF – BALAIDOS CF (8-5).
  • FISOBER: Sharay, Adriana, Paula Fandiño, Ana, Carre; tamén xogaron: Claudia, María Dumbría, Lucía Martínez, Uxía, Saray, Mai, Lucía Canosa.
  • Goles: 1-0 min 3 Paula Fandiño, 2-0 min 3 Ana, 2-1 min 5 Noe, 3-1 min 8 Saray, 3-2 min 10 Ireka, 4-2 min 15 Adriana, 4-3 min 18 Iria, 4-4 min 19 Noelia Feijoo, (descanso) 5-4 min 21 Ana, 5-5 min 34 Noe, 6-5 min 36 Carre, 7-5 min 37 Saray, 8-5 min 39 Paula Fandiño.
Carre e Saray co Fisober
Carre e Saray

Comezaba o partido co cadro local dominando e marcando pronto. Pero as viguesas comezaron a presionar e recurtaron. Era un toma e daca e cada gol local era respostado polas visitantes. Pero o Fisober sorprende co xogo de cinco e cun gol de Adriana para o catro a dous. Pero ao final da primeira metade o Balaidos faise forte e marca dous goles para chegar igualados o tempo de lecer e incluso tivo unha para irse en vantaxe.

O inicio da segunda metade foi cun novo tanto costeiro desta vez obra de Ana para volver a poñer as suas por diante. Tras varias ocasións nas dúas áreas volvúa o empate, pero Carre, de doble penalti, metía por diante ás costeiras. Quedaba pouco e as visitantes arriscaban co xogo de cinco e o Fisober sacaba proveito con dous novos goles obra de Saray e de Paula Fandiño, sentenzando o partido.

A mala nova era protagonizada por Mai, que sufría unha lesión no xeonllo.

partido cunha posible lesión de xeonllo de Mai.  

1ª Autonómica Feminina, Liga Regular A, xornada 6

  • Resultado: UD Pastoricense - Amarelle Concello de Santa Comba (2-4)
  • Amarelle Concello de Santa Comba: Tania, Ge, Andrea, Nuria, Lidia (cinco inicial), Elsa, Sheila, Lucía, Eva Lema, María.
  • Goles: 0-1 Nuria (min. 23); 0-2 Nuria (min. 24); 1-2 Mirian (min. 31); 1-3 Elsa (min. 40); 2-3 Noa (min. 46); 2-4 Eva Lema (min. 46).

amarellestacomba-pastoricense14

O partido empezaba con dous equipos tomando distancias na pista, e moitísimo respecto. Só a 2 do descanso Nuria abría a lata con dous tantos consecutivos.
Na reanudación, o UD Pastoricense conseguía recortar distancias no marcador aos seis minutos, cun gol de Mirian, e no ecuador Elsa ampliaba a renda de novo. Xa nos minutos finais do partido, o UD Pastoricense conseguía volver recortar distancias, e subir o 2-3 ao marcador; pero Eva Lema tras unha contra xalleira poñía o 2-4 no marcador, que ao cabo resultaría definitivo para a vitoria do Amarelle Concello de Santa Comba.

Máis información

Novas do FSF

Crónicas do FUTFEM

comentarios