Cae o Soneira 3 meses despois

11:35 02/05/11

Dende o pasado 30 de xaneiro o Soneira sen perder. 14 xornadas contando empates e vitorias. Pero a Copa pesa e o esforzo do sábado pagouno o equipo soneirán ante o Flavia, que estaba máis necesitado na zona baixa.

Actualidade costeira na 3ª

Esta fin de semana hai novas da 3ª relacionadas coa Costa. I é que os nosos veciños do Cerceda se proclamaron campións tras vencer 0-2 ao Santa Comba. O Cerceda conta ademais nas súas filas cos fisterráns Noé, Luisito e Aitor Díaz, ademais do camariñán Juan Cabrejo. O resultado é moi malo para os de Santa Comba que quedan nunha situación moi comprometida e a piques de descender.

Pola contra, o que si sumou unha vitoria importantísima para evitar o descenso foi o Bergantiños, que vencía 0-2 ao Estradense e xa saca 5 puntos ao posto de promoción de descenso.

Soneira - Falvia (0-1)

SONEIRA: Fran, Darío (Fran de Urroa, min.65), Pablo, Víctor Vecino, Miguel (Ferreiro, min.55), Roberto, Víctor García (Santi, min.55), Míchel, Mario Toja, Jorge (Quique, min.57) e Vituco.
Gol: 0-1, min.50.
Expulsións: Os locais Vecino (min.64) e Miguel (min.94) ambos por dobre cartón amarelo, o segundo de Miguel cando estaba xa no banco e por protestar.

Partido con pouca intensidade e no que os locais acusaron o partido de copa xogado onte. O equipo de Manolito tampouco mereceu perder, pois os de Padrón marcaron nunha das poucas aproximacións que fixeron a área contraria.

A primeira metade apenas tivo ocasións de gol, os visitantes empregáronse moito en defensa sen deixar circular o balón aos vimianceses que tiña que recurrir moitas veces a balóns en longo para sacudirse da presión.

Tralo descanso un tiro raso a rentes do pau dende a frontal da área supuxo o único gol do encontro e uns minutos de incertidume dos soneirás que pasaron algun apuro. Sería a raíz da expulsión de Vecino cando, paradóxicamente, aumentaron a intensidade e xunto que os visitantes deron un paso atrás para defender os tres puntos que o Soneira tivo unhas cantas ocasións de gol e base de faltas laterais e córners buscaron a igualada. Yago cun tiro nunha boa posición e Quique a rentes do final puideron subir o empate, resultado máis xusto, pero ao final 3 puntos vitais para o Flavia que ve máis preto a salvación.