Movementos nos bancos do #futboldacosta de Zas e Bergantiños

Movementos nos bancos do #futboldacosta de Zas e Bergantiños

11:17 26/06/13

Felix renova polo Baio Ivan Cancela vai ao Zas Da Silva volve ao Coristanco e Rafa Villaverde toma o timon do IDC

Tempos de rumores, fichaxes e confirmacións. E hoxe traemos varias confirmacións para os bancos do fútbol costeiro.

A primeira nova chéganos dende un pletórico Baio, aínda co resaca do ascenso. É o presidente Chema Rey o qye nos conta que será o mesmo Félix García Raposo, como non podía ser dourto xeito, o que guíe o cadro branquiazul na andaina pola 1ª Autonómica.

Sen marchar do concello, apuntamos quen será o vindeiro adestrador do Sporting Zas para a vindeira campaña. E menuda a fchaxe do cadro zaense, nada menos que Iván Cancela, ex do Dubra e do gran Xallas dos últimos anos.

E marchamos cara o norte, onde temos varios cambios de cromos (atentos aos cromos que a vindeira campaña pode haber sorpresas QPC...). Rafa Villaverde ata agora delegado, é o novo adestrador do Independiente de Carballo na aventura pola Liga da Costa.

Villaverde chega substituíndo a Da Silva, que onte nos anunciaba a súa volta ao Coristanco, onde ademais de traballar co equipo de 3ª, coidará tamén dos xuvenís, collendo o relevo dun Rochiccioli que fixo un gran traballo coa canteira.