Este sábado 22 de maio volve a poesía aos Penedos de Traba e Pasarela. Como fixera hai 15 anos, a poboación civil únese arredor da cultura para defender unha paisaxe especiai. Nada máis coñecer o proceso de avaliación de impacto ambiental do proxecto do futuro parque eólico de Monte Chan e Pena dos Mouros, creouse a Plataforma Salvemos os Penedos formada por varias asociacións culturais e ecoloxistas, así como por persoas a título individual, coa finalidade de opoñerse a este desacertado proxecto.

O Colectivo non entende este “atentado contra este conxunto xeolóxico e paisaxístico único, que representa un dos principais bens patrimoniais dos concellos de Laxe e Vimianzo, pero tamén da Costa da Morte e de Galicia, e que supón un recurso fundamental para o desenvolvemento da zona”.

Resulta estrano ademais cando a Xunta vén de reactiva o Plan de Xestión dos Penedos de Pasarela e Traba, paralizado tras 12 anos, gracias ao impulso dos Concellos de Vimianzo e Laxe, nunha iniciativa totalmente incompatible coa instalación de calquera parque eólico.

Comezaron cunha colleita de sinaturas que chegou ás 4.000. Continuaron presentando alegacións. E a nova proposta é cultural, co recital Poesía polos Penedos que se desenvolverá este sábado 22.

Confirmaron a súa asistencia Rosalía Fernández Rial, Arancha Nogueira, Estevo Creus, Helena Salgueiro, Modesto Fraga, Miguel Anxo Fernán-Vello, Xulio López Valcárcel e Miro Villar, pero seguro que hai algún máis que estará ás ordes do escritor, músico e comunicador, Xurxo Souto, que guiará o acto.
Rematado o recital, e despois dun pequeno descanso, que se aproveitará para tomar un bocata ou algo similar, iniciarase a Ruta polos penedos, guiada polo xeólogo e profesor Juan Ramón Vidal Romaní, que conducirá aos visitantes a gozar das singulares formas graníticas que nos mostran algunhas das rochas deste parque máxico.

Durante o acto a Plataforma fará entrega destes folletos informativos.

Novas sobre Os Penedos de Traba e Pasarela

• Maio 21: Poesía polos Penedos.
• 30-04-2021: Laxe e Vimianzo tiran dos Penedos de Traba e Pasarela .
• 27-03-2021: O pleno de Laxe esquece os Penedos de Traba e Pasarela.
• "Esta paisaxe xera máis riqueza que os parques eólicos”.
• Febreiro 21: Constitúen a Plataforma Salvemos os Penedos.
• ANOVA: “A Xunta paraliza a ampliación da Rede Natura para favorecer a ubicación irregular de eólicos como os de Monte Chan”.
• O BNG oponse ao PE Monte Chan, “unha ferida de morte na paisaxe dos Penedos”.
• O SEMESCOM presentou alegacións contra os dous proxectos dos parques eólicos que ameazan os Penedos.
• 22-02-2021: O BNG de Laxe presenta unha moción para que o pleno rexeite os Parques Eólicos de Monte Chan e Pena dos Mouros.
• Xan Fdez. Carrera: Novo ataque á Costa da Morte.
• 18-02-2021: Os Concellos de Laxe e Vimianzo plántanse ante o parque eólico Monte Chan pola súa afectación aos Penedos.
• PE Monte Chan: Adiante Vimianzo e BNG presentan alegacións ao PE Monte Chan por afectar á Paisaxe Protexida dos Penedos.
• PE Monte Chan e Pena dos Mouros: A veciñanza de Laxe denuncia dous proxecto eólicos sobre Laxe, Camelle e Vimianzo.
• Xaneiro 2020: Vimianzo e Laxe únense de novo para esixir que a Xunta comece o Plan Estratéxico dos Penedos.
• Novembro 19: Os Concellos de Laxe e Vimianzo retoman, en serio, o proxecto dos Penedos de Traba e Pasarela.
• Decembro 2018: Os Penedos xa ten imaxe para o seu póster.
• Novembro 2018: 10 anos despois a Xunta comeza a traballar no Plan dos Penedos.
• Setembro 2018: Os penedos cobran vida.
• 2018: Laxe e Vimianzo únense para reivindicar os Penedos como #moitomáisquepedras.
• 2018: Augusto Pérez-Alberti: “É lamentable que a Xunta non fixera nada dez despois da declaración dos Penedos de Traba e Pasarela como Paisaxe Protexida”.
• 2018: Unindo forzas entre Concellos para salvar os Penedos
• 2016: O SEMESCOM presenta dous calendarios para o 2016 con imaxes dos Penedos de Pasarela e Traba.
• 2014: Vimianzo esixe o Plan de Conservación dos Penedos de Traba e Pasarela.
• Os vídeos da Semescom: Os penedos de Traba e Pasarela.
• 2009: Os Penedos de Traba e Pasarela son oficialmente Paisaxe Protexida

Novas sobre eólicos

• Maio 21: “Quen vai querer mercar unha casa ou unha finca que estea dentro da poligonal dun parque eólico?”.
• Maio 21: As entidades medioambientais denuncian "a fragmentación territorial e paisaxística sen precedentes" dos novos proxectos eólicos.
• INFORME: O novo impulso eólico propón 39 novos proxectos na Costa da Morte.