Mércores. 30.11.2022
El tiempo

Máis alegacións contra os Eólicos que ameazan os Penedos

Penedos de Traba e Pasarela-O Pato
O Pato
Máis alegacións contra os Eólicos que ameazan os Penedos

Ante o desamparo da Xunta, a veciñanza continúa informando e alegando para protexer o patrimonio natural da nosa comarca. Neste caso é a entidade Contramínate a que presenta un novo modelos de alegacións ao Parque Eólico de Soesto para ver se a veciñanza se anima a manifestar o seu rexeitamento por escrito.

A realidade é que a administración está a facer caso omiso das reiteradas alegacións e chamadas de atención que desde diferentes colectivos pola salvagarda do territorio (Contramínate, Petón do Lobo, Plataforma pola Defensa da Terra Bergantiñá, Salvemos Cabana, Adecom, entre outros moitos) están a facer desde 2017, pero cómpre seguir loitando polo mantemento dun espazo natural tan singular.

”A ampliación a outros dous aeroxeradores o de Soesto parécenos un auténtico antentado contra a paisaxe, o entorno e mesmo o modelo turístico natural do noso Concello”, explican dende a Plataforma. “Ademais, está situado nun enclave protexido e moi perto da contorna dos Penedos de Traba e Pasarela: o grao de saturación de viraventos previstos nesta zona vai estragar para sempre a nosa fachada litoral de xeito irreversible. Isto parécenos especialmente grave”.

Outra das eivas do proxecto e que tamén denuncian “non se teña en conta a participación da veciñanza na determinación dos obxectivos de calidade paisaxística dun territorio, pois as nosas solicitudes nunca son recollidas nestes proxectos, que por outra banda tampouco están destinados á comunidade que os vai sufrir nos seus montes”.

”En conclusión: coa aprobación deste proxecto estase a sacrificar a biodiversidade, a saúde medioambiental e o futuro socioeconómico da contorna de Laxe en aras do lobby enerxético e da implantación masiva de estacións eólicas coa conivencia do órgano substantivo da Xunta de Galicia”.
Por todo isto, queren solicitar á veciñanza de Laxe, Vimianzo e outros concellos veciños da Costa, a que se sumen a un envío masivo de alegacións que deixen patente o firme rexeitamento da veciñanza a estes proxectos de macroparques eólicos tramitados de forma segmentada e ilegal, na nosa provincia.

Máis Novas sobre os eólicos

 

NOVAS SOBRE OS PENEDOS DE TRABA E PASARELA

comentarios